Trafiku i drogës drejt BE, në pranga anëtari i 58- të i grupit
Operacioni "Limit", arrestohet edhe 65- vjeçari nga Korça
Operacioni "Limit", që goditi dy ditë më parë 4 grupe kriminale që bashkëvepronin me njëri- tjetrin, ka vazhduar edhe dje, duke çuar në pranga anëtarin e 58- të të grupit.
I arrestuari është 65- vjeçari nga Korça, Hysni Sadik, ndaj të cilit ishte caktuar masa e sigurisë "Arrest me burg" në mungesë nga Gjykata e Krimeve të Rënda. Pas arrestimit të tij, vijojnë të jenë në kërkim edhe 7 persona të tjerë, për të cilët po ashtu është caktuar masë sigurimi në mungesë. Operacioni u finalizua pas një hetimi 3- vjeçar, për goditjen e veprimtarisë kriminale të këtyre grupeve që ushtronin veprimtarinë në fushën e narkotikëve dhe të trafiqeve të paligjshme. Veprimet operacionale u kryen nga Policia e Shtetit, nën drejtimin e Prokurorisë së Krimeve të Rënda, në bashkëpunim me Policinë greke dhe me koordinimin e SELEC- ut. "Në vijim të operacionit ' Limit', shërbimet e Policisë kapën dhe ndaluan shtetasin H. S., 65 vjeç, banues në Korçë, pasi Gjykata e Shkallës së Parë për Krimet e Rënda Tiranë ka caktuar masën e sigurisë ' Arrest në burg', për veprat penale ' Trafikimi i narkotikëve', ' Grup i strukturuar kriminal' dhe ' Kryerja e veprave penale nga grupi i strukturuar kriminal'", tha dje zyrtarisht Policia.
OPERACIONI Gjatë operacionit në Shqipëri dhe Greqi u sekuestruan rreth 320 kg kanabis, 7.5 kg Kanabis në formë çokollate, 2.4 kg Kokainë, laboratorë për kultivim të bimëve narkotike, 3800 fara kanabis, fishekë luftarakë, si dhe janë asgjësuar parcela me bimë narkotike të kultivuara. Policia tha se në periudhën e hetimit 2016- 2019, është shkëmbyer në kohë reale informacion me partnerët tanë nëpërmjet SELEC- ut për aktivitetin kriminal të personave të përfshirë në këto grupe
PERSONA
janë arrestuar në Greqi dhe në Shqipëri në kuadër të operacionit të koduar "Limit", pasi dyshohen të jenë pjesë e 4 grupeve të strukturuara kriminale që trafikonin kanabis dhe kokainë në vende të ndryshme të Bashkimit Europian kriminale dhe si rezultat, nga autoritetet policore greke janë arrestuar 34 persona, të cilët ushtronin aktivitetin kriminal të trafikimit dhe shpërndarjes të narkotikëve. Ndërsa gjatë operacionit "Limit" të zhvilluar në Shqipëri, u arrestuan 23 persona dhe 8 u shpallën në kërkim, njëri prej të cilëve u kap mëngjesin e djeshëm nga Policia e Shtetit. "Operacioni vijon për kapjen e personave të tjerë të shpallur në kërkim. Nën drejtimin e Prokurorisë së Krimeve të Rënda vijon puna për dokumentimin e plotë të aktivitetit kriminal të këtyre grupeve të strukturuara kriminale, me qëllim identifikimin dhe arrestimin e anëtarëve të tjerë të përfshirë", tha Policia.