KUSH PERJASHTOHET
Afati i ri për taksën e pronës, si do aplikohet
Pse u shty afati për vetëdeklarimin e sipërfaqes së shtëpive. Kategoritë që do përjashtohen, nga pensionistët te familjet në nevojë. Llogaritja për çdo zonë
Familjet që nuk kanë deklaruar ende sipërfaqen e shtëpisë, me qëllim përllogaritjen e taksës së pronës, nuk kanë përse të shqetësohen.
Sot, kur duhej të skadonte afati i parë për plotësimin e formularit të vetëdeklarimit, Drejtoria e Ujësjellës Kanalizimeve ka vendosur ta shtyjëatë me një muaj e gjysmë. Kështu, poseduesit e një banese, dyqani a garazhi deri në30 tetor mund të paraqiten pranëçdo pike UKT me tri dokumente me vete: ID, certifikatën e pronësisë dhe kontratën me ujësjellësin. Është kjo mënyra e vetme për t'u taksuar drejt për sipërfaqen dhe vlerën e banesës. Pranëçdo pike UKT janë stacionuar prej më shumë se një muaji persona të ngarkuar për të bërë përllogaritjen e taksës që do të pilotohet, fillimisht nëTiranë, e më pas në gjithëShqipërinë. Aktualisht, një taksë me të njëjtin emër me vlerë mujore 100 lekë vilet në faturën e ujit dhe shkon në arkën e Ministrisë sëFinancave.
PERFITUESIT
Taksa e re, që pritet të vilet në 2020- ën, do të jetë e katërta në listën e detyrimeve mujore për të cilat UKT shërben si agjent tatimor. Bëhet fjalë për taksën e pastrimit, atë të infrastrukturës arsimore dhe taksën e ndërtesës, të tria këto në vlerën e 670 lekëve. Bashkë me këtë të fundit, që mesatarisht përllogaritet 300 lekë/ muaj, çdo abonent i UKT përllogaritet të paguajë veç ujit të shpenzuar edhe afro 1 mijë lekë në muaj taksa shtesë. Subjekt i këtyre detyrimeve ështëçdo individ, qoftë ai pronar apo përdorues i pasurisë së paluajtshme. Taksës së re nuk do t'i ikin pasuritë e papajisura me dokument pronësie. Mjafton aplikimi për legalizim pranë Kadastrës apo ish- ALUIZNI për t'u futur në sistem pagesën e taksë së re. Ndonëse e kanë bërë të ditur shpeshherë që askush nuk do t'i shpëtojë këtij detyrimi, janë një kategori pasurish apo personash që mund të përfitojnëzerim të saj në faturën e ujit ( në tabelën përbri shkrimit). Kjo kërkon kohë dhe dokumente shtesë. Pas vetëdeklarimit, procedura vijon në njësinë administrative ku përmes dokumenteve duhet vërtetuar se aplikuesi i përket një prej kategorive të mësipërme, është taksapagues i rregullt dhe i takon të përfitojë. Për ata që nuk e dinë, e njëjta rrugë ndiqet edhe për tri taksat e tjera. Është gjendja civile, ajo, që pas vlerësimit të dokumentacionit të paraqitur, bën kërkesë në drejtorinë e tatim taksave pranë Bashkisë së Tiranës për përjashtimin nga ky detyrim për aplikantët. Me të hyrë në fuqi taksa e re për ndërtesën, në listën e taksave që vijnë bashkë me faturën e ujit, tabela e kategorive të përjashtuara nga bashkia do të jetë zero. Ata që nuk paraqiten për vetëdeklarimin e sipërfaqes së banesës do të përballen me personat që do ta kryejnë këtë proces në terren. Një tjetër mënyrë se si UKT do të marrë informacione është Kadastra. Verifikimi në terren do të shërbejë edhe për të regjistruar ndërtesa për herë të parë.