Ish- Presidenti francez, Jacques Chirac, ndahet nga jeta në moshën 86- vjeçare
Ish- Presidenti francez, Jacques Chirac, është ndarë nga jeta paqësisht në shtëpinë e tij, në prani të familjarëve, në moshën 86vjeçare. Duke ofruar ngushëllimet e tij për familjen, miqtë dhe të gjithë popullin francez, Presidenti i Shqipërisë, Ilir Meta, tha se shqiptarët do ta kujtojnë me nderim Jacques Chirac për angazhimin personal në radhitjen e Francës për t’i dhënë fund gjenocidit në Kosovë. “Me keqardhje të thellë mësova për ndarjen nga jeta të ishPresidentit francez, Jacques Chirac. Ai qe një sovranist i paepur, me kontribut të jashtëzakonshëm në politikën franceze dhe europiane. Shqiptarët do ta kujtojnë përherë me nderim për angazhimin personal në radhitjen e Francës përkrah aleatëve, për t’i Njoftimin për ndarjen nga jeta të Chirac e dha dhëndri i tij, i cili shkroi se ish- lideri u nda nga jeta mëngjesin e së enjtes, i rrethuar nga familjarët. Chirac, i cili ka shërbyer gjithashtu si kryebashkiak i Parisit, Kryeministër dhe President i Këshillit Europian, ishte tërhequr prej disa vitesh nga jeta politike dhe publike. Ai jetonte me bashkëshorten, Bernadette, në shtëpinë e tij në Paris. dhënë fund gjenocidit në Kosovë. Ngushëllime të ndjera familjes, miqve dhe të gjithë popullit francez për këtë humbje!”, ka shkruar Meta. Chirac njihej për imazhin e tij si njeriu i zakonshëm, por vitet e fundit të jetës së tij u njollosën nga akuzat për korrupsion. Sipas CNN- së, gjatë viteve të fundit ai vuante nga humbja e memories dhe shfaqej rrallë në publik, por Presidenti për dy mandate në Francë do të kujtohet për aftësitë politike dhe stilin e një njeriu popullor në 40 vite karrierë politike. Në moshën 35- vjeçare, Chirak u bë një nga ministrat më të rinj të Presidentit Charlles de Gaulle. Ndërsa në vitin 1977 u bë kryebashkiaku i parë i zgjedhur në Paris, një post që deri në atë kohë caktohej nga institucionet e larta. Në vitin 1995, ai fitoi mandatin e parë presidencial. Mandatin e dytë e mori në vitin 2002. Ishte viti 2005 kur u mësua publikisht se ai u godit nga ishemia dhe para se të largohej nga pallati i Elizesë, u shtrua disa herë në spital. Gjatë kohë që ishte President, ai kishte imunitet nga akuzat, por sapo u largua nga detyra, prokurorët nisën punën. Chirak u gjykua dhe dënua për futjen e punonjësve të partisë së tij politike në sistemin e pagesave të qytetit. Por mbeti sërish popullor. Një prej reformave kryesore politike gjatë kohës që ai shërbeu si President, ishte reduktimi i mandatit presidencial nga 7 në 5 vjet. Chirac do të mbahet mend gjithashtu, si kundërshtar i pushtimit të Irakut nga forcat amerikane në vitin 2003. Kjo lëvizje çoi në një pikë të ulët marrëdhëniet frano- amerikane, por Chirac tha në atë kohë se nuk kishte kthim pas.