HAHN: VENDIMI I GJERMANISË NXIT REFORMAT NË BALLKAN
Komisioneri për Zgjerim, Johanes Hahn, vlerësoi vendimin e Bundestagut dy ditë më parë për çeljen e negociatave me 9 kushte për Shqipërinë. Nëpërmjet një postimi në rrjetet sociale, Hahn thekson se njohja e progresit konkret është thelbësore si nxitje për reformat në Ballkanin Perëndimor. "Shumë i mirëpritur votimi i sotëm në Bundestagun gjerman në favor të hapjes së negociatave me Shqipërinë dhe Maqedoninë e Veriut në tetor. Njohja e progresit konkret është thelbësor, si nxitje për reformat në Ballkanin Perëndimor dhe për besueshmërinë e BE", shkroi Hahn. Teksa për Shqipërinë Bundestagu vendosi 9 kushte, për Maqedoninë e Veriut u rekomandua hapja e pakushtëzuar e negociatave. Tani pritet vendimi përfundimtar i Këshillit Europian më 17- 18 tetor në Bruksel. Shqipëria nuk di ende sesi do të votojë Franca dhe Holanda.