Shisnin heroinë në lokalet e Shkodrës, dy të arrestuar, një grua në hetim
Policia e Shkodrës ka arrestuar në flagrancë 2 shtetas dhe 1 tjetër ndiqet në gjendje të lirë, pasi dyshohet se shisnin lëndë narkotike të llojit heroinë në disa lokale të qytetit. Nga Seksioni për Hetimin e Trafiqeve dhe Narkotikët në Policinë e Shkodrës, pas informacioneve të marra në rrugë operative, u arrestua në flagrancë shtetasi E. H., 42 vjeç dhe u ndalua shtetasi A. P., 46 vjeç, banues në Shkodër. Gjithashtu, ndiqet në gjendje të lirë shtetasja V. P. 43 vjeçe, banuese në Shkodër. Nga hetimet e kryera, dyshohet se këta shtetas, në bashkëpunim me njëri- tjetrin shisnin lëndë narkotike të llojit heroinë, në lokalet e qytetit të Shkodrës. Gjatë operacionit u sekuestruan në cilësinë e provës materiale një sasi lënde narkotike heroine, e ndarë në doza, një shumë lekësh dhe dy telefona celularë. Nga ana tjetër, specialistët për Krimet në Komisariatin e Policisë Krujë ndaluan tre shtetas të shpallur në kërkim, me masën “Arrest në burg” për veprën penale “Kultivimi i bimëve narkotike” e kryer në bashkëpunim. Në vijim të punës për kapjen dhe vënien para përgjegjësisë ligjore të personave të shpallur në kërkim specialistët për PERSONA janë arrestuar në Shkodër dhe Krujë nga oficerët e Antidrogës. Në Shkodër janë vënë në pranga dy persona dhe një grua hetohet në gjendje të lirë, pasi shisnin heroinë në disa lokale, ndërsa në Krujë janë arrestuar 3 persona, të cilët ishin me masë sigurie “Arrest me burg” për kultivim të lëndëve narkotike Krimet në Komisariatin e Policisë Krujë kanë bërë të mundur ekzekutimin e vendimeve të Gjykatës së Shkallës së Parë Krujë, për shtetasit: H. M., 64 vjeç dhe E. D., 24 vjeç, për veprën penale “Kultivimi i bimëve narkotike” e kryer në bashkëpunim dhe H. Rr., 64 vjeç, për veprën penale “Kultivimi i bimëve narkotike”, të tre banues në Krujë.