Granit Xhaka feston 27- vjetorin, bashkëshortja e quan burrin më të ndershëm në botë

Ditën e djeshme, futbollisti i njohur Granit Xhaka festoi 27- vjetorin e lindjes dhe në këtë datë të shënuar nuk mund të mungonte një urim special nga bashkëshortja e tij, Leonita. Ajo ka publikuar në rrjete sociale fotografi të ndryshme, që nga vitet e para të njohjes dhe deri në ditët e sotme, që presin të bëhen prindër.

Në disa prej fotove Graniti shihet duke i përkëdhelur barkun e rrumbullakosur Leonitës, duke treguar se po e pret me padurim ardhjen në jetë të fëmijës së tyre të parë. Përkrah një fotoje të Xhakës, Leonita ka bërë një dedikim për partnerin e saj. “Gëzuar ditëlindjen njeriu më i mrekullueshëm, më i kujdesshëm, më i ndershëm, më i thjeshtë në botë. Faleminderit që më ke bërë më të lumtur seç kam qenë ndonjëherë dhe që më bën të qesh çdo ditë. Falënderoj Zotin çdo ditë për ty! Të duam përgjithmonë!”, ka shkruar Leonita. Në muajin maj, çifti i njohur ndau me të gjithë ndjekësit lajmin se shumë shpejt do të bëheshin prindër për herë të parë. Ata nuk e kanë bërë ende publike gjininë e fëmijës, por pritet që të zbulohet brenda pak kohësh, sepse Leonita është në javët e fundit të pritjes së ëmbël. Ndërkohë, ata shihen me admirim nga fansat, pasi konsiderohen si çifti ideal, që e duan dhe e respektojnë shumë njëri- tjetrin.