Shega mban larg sëmundjet e zemrës
Vitet e fundit, numri i vdekjeve si pasojë sëmundjeve kardiovaskulare është ulur ndjeshëm, megjithatë shifrat flasin për një rrezikshmëri ende prezente ndaj edhe kujdesi nuk duhet nënvlerësuar. Dihet tashmë se një dietë e pasur me fruta dhe perime luan një rol të rëndësishëm. Për ekspertët e shëndetit, shegët përmbajnë antioksidantë të shumtë, përfshirë polifenolët që ndihmojnë për funksionimin sa më mirë të zemrës. Por në fund të ditës, e rëndësishme është që të ndiqni një dietë të larmishme. Nëse nuk ju pëlqen shega, atëherë në vend të saj konsumoni një mollë, e cila po ashtu mbron zemrën tuaj.