Vasili: Idiotë, Venecia nuk thotë që Meta shkeli Kushtetutën
Nënkryetari i Lëvizjes Socialiste për Integrim, Petrit Vasili, ka reaguar në lidhje me draftin e Komisionit të Venecias për vendimmarrjen e Presidentit Meta për zgjedhjet lokale të 30 qershorit. Përmes një postimi në rrjetet sociale, numri 2i LSI thekson se askund në draftraportin e publikuar nuk thuhet se Presidenti Meta të ketë bërë shkelje të Kushtetutës. Ai ironizon me maxhorancën, duke u thënë se duhet të mësojnë se si përkthehet.” Të dashur idiotë! Boll u përdrodhët dhe boll u përvodhët. Merruni me zhdukjen e kokainës nga kontenierët, se nuk ju ndihmon dot Venecia. Në asnjë rast, Venecia, o idiotë, nuk ka thënë gjëkundi që Presidenti ka bërë shkelje ( violation) të Kushtetutës apo afateve kushtetuese. Mësoni si shqipërohet exeedings, o të sëmurë psikikë, se na e shpifët me shkollëpakësinë tuaj!”, shkruan Vasili në rrjetet sociale.