“Shpresa është vrarë”, Bushati flet për debatin në PS: Pas vitit të 7 në pushtet duhet ndryshim
ISH- MINISTRI: VENDIMMARRJA, JO NGA NJE GRUP NJEREZISH
Pas rreth një muaj nga nisja e verifikimeve për akuzat publike të Partisë Demokratike, të bëra në adresë të nënkryetarit të bashkisë, Arbian Mazniku, ky i fundit dëshmoi dje në Prokurorinë e Tiranës.
Duke nisur nga ora 10 e paradites, Mazniku u pyet nga prokurori Alket Mersini dhe oficeri i Policisë gjyqësore si person që ka dijeni për rrethanat, për gati 2 orë. Burime thonë se nënkryetari i Bashkisë është pyetur në lidhje me pretendimet e ngritura publikisht dhe udhëtimin për në Spanjë. Mazniku ka dhënë versionin e tij për këto akuza, ndërsa Prokuroria e Tiranës është duke kryer një sërë verifikimesh të tjera për rastin. Ka qenë një udhëzim i Prokurorisë së Përgjithshme, për nisjen e verifikimeve, që më pas ka vënë në lëvizje akuzën e kryeqytetit. Disa javë më parë, PD- ja publikoi një faturë hoteli, ku dhomën e Maznikut rezultonte ta kishte paguar kompania “Fusha” në vlerën 908 euro. Nga ana tjetër, Mazniku ka sqaruar në atë kohë se ai ka qenë pjesëmarrës në ceremoninë e dhënies së çmimeve për hapësirat publike, ku sheshi “Skënderbej” fitoi çmimin e parë, që i shkoi kompanisë “Fusha” dhe kontraktorit– Bashkia Tiranë. Kompania “Fusha”, ka thënë Mazniku, mori përsipër të mbulojë shpenzimet për grupin nga Shqipëria, kështu nuk është shpenzuar fondi publik i Bashkisë së Tiranës.
REAGIMI Pasi përfundoi dëshminë në Prokurori, Arbi Mazniku foli edhe për mediat, duke thënë se ka dhënë informacionin e vërtetë në lidhje me këto akuza dhe për këtë ishte i kënaqur. Teksa e quajti situatën si një gjobë dhe fake news, Mazniku shtoi se ndaj kësaj, e vetmja gjë që mund të bësh, është të thuash të vërtetën për hetuesit. “Jam shumë i kënaqur që pata mundësinë t’i jap informacionin e duhur Prokurorisë së Tiranës lidhur me një çështje që është debatuar në media kohët e fundit. Gjëja më e mirë për të bërë për gjithë balthedhësit, gjobëvënësit dhe ata që merren me fake news, është që t’i japim drejtësisë informacionin sipas anës dokumentare dhe më pas t’i japim mundësi drejtësisë që të shprehet, sepse vetëm e vërteta është ajo që mund lajmet fake. Këto fakte do të shpjegohen nga e vërteta”, tha Mazniku duke iu përgjigjur interesit të mediave. Kujtojmë se në 31 gusht, Partia Demokratike, nëpërmjet ishdeputetes Dhurata Çuçi, pretendoi se nënkryetari i bashkisë, Arbian Mazniku, është akomoduar në Spanjë në një dhomë, për të cilën është paguar 908 euro nata. “Numri dy i bashkisë për dy net në hotelin ‘ Alma Barcelona’ ka shpenzuar 1816 euro”, tha Çuçi duke shtuar se janë paguar nga presidenti i kompanisë “Fusha” shpk, Shkëlqim Fusha, nëpërmjet kartës së kreditit.