Vasili: Meta ka fituar rolin e mbrojtjes së shtetit ligjor
Nënkryetari i LSI- së, Petrit Vasali, thotë se Presidenti Ilir Meta është i vetmi që mbron Kushtetutën dhe shtetin ligjor në Shqipëri. Nëpërmjet një statusi në “Facebook”, Vasili tha se kreu i shtetit ka bërë gjithçka duke mbrojtur votën e lirë dhe garën e alternativave. “Në sajë të integritetit të tij, Ilir Meta, duke u vendosur vetëm në krah të Kushtetutës e ligjit, ka fituar pa e kërkuar rolin e mbrojtësit të vetëm të shtetit ligjor në Shqipëri. Për shkak të një Kryeministri të marrë si ky yni, pluralizmi në Shqipëri si themeli i shoqërisë demokratike, që lind përmes votës së lirë dhe zgjedhjes mes alternativave, ka marre goditjen më të rëndë”, shkroi Vasili. Vasili akuzoi Kryeministrin Edi Rama se kërkon të asgjësojë votën e lirë dhe shndërrimin e saj në një formalitet të kontrolluar tërësisht nga qeveria dhe krimi.