Dokumenti, në tetor hapen negociatat për Shqipërinë dhe Maqedoninë e Veriut

Gazeta amerikane “Bloomberg”: BE do të vendosë çeljen e negociatave si një bast për zhvillimin e Ballkanit Perëndimor

Më 15 tetor, Këshilli i Ministrave të Jashtëm të Bashkimit Europian do të rekomandojë hapjen e negociatave me Shqipërinë dhe Maqedoninë e Veriut.

Ky është përfundimi në të cilin del gazeta prestigjioze amerikane, “Bloomberg”. Në një shkrim të saj, gazeta e njohur pretendon se ka parë dokumentin e hartuar të premten, ku thuhet se për këto dy vende do të jepet një rekomandim pozitiv për nisjen e procesit të negociatave. “Bloomberg” thekson se do të jepet ky mendim pozitiv, edhe pse më herët nga Holanda erdhën sinjale negative, me ministrin e Jashtëm holandez, Stef Blok, i cili shprehej se të dyja vendet duhet të trajtohen ndarazi, pasi problemet dhe arritjet i kanë të ndryshme. Në shkrimin e saj, gazeta amerikane shton se ky mendim i përpiluar ditën e premte, deri në datën 15 tetor mund të ndryshojë. Bashkimi Europian ka të ngjarë të autorizojë hapjen e negociatave për anëtarësim me Shqipërinë dhe Maqedoninë e Veriut muajin e ardhshëm, duke vënë një “bast” që perspektiva e anëtarësimit në Union të këtyre dy vendeve do të ndihmojë në zhvillimin e mëtejshëm të rajonit të trazuar të Ballkanit. “Në dritën e përparimit të arritur nga reformat”, mbledhja e ministrave të BE- së në Luksemburg në 15 tetor do të vendosë “të hapë negociatat” me qeveritë në Tiranë dhe Shkup, sipas një drafti të qarkulluar të premten, i cili është parë nga “Bloomberg”. Ndërsa formulimi mund të ndryshojë në vijim, një draft i mëparshëm i parë nga “Bloomberg” nuk përfshinte rekomandimin për të filluar bisedimet. Një shtytje e ngjashme për të hapur negociatat ra në qershor, pasi vende si Franca, Holanda, Gjermania dhe Danimarka refuzuan. Qeveritë e Bashkimit Europian janë acaruar nga dështimi i disa kombeve lindore, që iu bashkuan bllokut në vitin 2004 në betejën për sundimin e ligjit dhe luftën kundër korrupsionit. Nën këtë shembull, ata janë të kujdesshëm të pranojnë anëtarë të rinj në Unionin më të madh tregtar në botë. Vendet Lindore, duke përfshirë Poloninë, Hungarinë dhe Rumaninë - ndër përfituesit më të mëdhenj të fondeve strukturore dhe ndihmës bujqësore nga BE- janë mbështetur nga Komisioni Europian për të rritur standardet e tyre demokratike dhe krahu ekzekutiv i bllokut deri më tani nuk ka arritur t’i detyrojë ata të futen në linjë. Në komunikatën e saj në qershor për zgjerimin, BE- ja tha se pranimi i anëtarëve të rinj duhet të marrë parasysh aftësinë e bllokut për t’i integruar vendet e reja. Edhe pse bisedimet e pranimit zgjasin me vite - apo edhe dekada, si në rastin e Turqisë - dhe përfundimi i tyre nuk është i garantuar. Fillimi i procesit është një fitore për qeverinë e Maqedonisë së Veriut, e cila kishte investuar pjesën më të madhe të kapitalit të saj politik në një marrëveshje me Greqinë për të ndryshuar emrin kushtetues, me shpresën se kjo do t’i hapte rrugën anëtarësimit në BE. Qeveria e re greke ka thënë se nuk pajtohet me marrëveshjen donisë e së bërë Veriut midis Maqe- dhe paraardhësit të saj Tsipras, por nuk do të kërkojë ta anulojë atë për shkak të nevojës për të ruajtur vazhdimësinë në marrëveshjet ndërkombëtare.