DISIPLINA DHE PROKURORIA, HETIM PENAL DHE SPORTIV
Ndeshja derbi mes Tiranës dhe Partizanit është bërë pjesë e hetimeve si nga organet hetimore të Prokurorisë, ashtu edhe nga organet disiplinore të Federatës Shqiptare të Futbollit. Si një ndeshje futbolli, aktet e dhunës para ndeshjes, por edhe mbarëvajtja e ndeshjes, do të hetohet dhe do të dilet me një vendim nga Komisioni i Disiplinës. Mirëpo, si të mos mjaftojë vetëm kjo, ngjarjet e ndodhura janë objekt hetimi edhe nga Policia Gjyqësore e Prokuroria. Këto të fundit kanë nisur hetimet në lidhje me dhunën mes dy tifozërive, por edhe për sasinë e lëndës piroteknike të gjetur në disa gropa pranë sektorit të tifozërisë mike, për të cilët janë shpallur edhe dy persona në kërkim. Në vijim, pritet jo vetëm vënia përpara ligjit e personave të proceduar, por edhe nëse do të ketë masa nga Komisioni i Disiplinës.