NXITJA E KULTURËS FINANCIARE
Guvernatori Sejko vuri në dukje se kultura financiare e publikut përbën një mjet të rëndësishëm për nxitjen e zhvillimin e tregut. Për pothuajse një dekadë, Banka e Shqipërisë është duke punuar për zhvillimin e programeve edukative. "Fokusi i bankave qendrore në vendet e zhvilluara dhe në ato në zhvillim, te forcimi dhe zhvillimi i kulturës financiare, nuk është një rastësi. Studime të shumta kanë dëshmuar se edukimi financiar sjell përfitime të shumëfishta. Të qenit i familjarizuar me konceptet bazë financiare dhe ekonomike, njohja dhe përdorimi i duhur i produkteve bankare dhe mjeteve financiare, si dhe aftësia për të menaxhuar financat personale dhe ato familjare, janë thelbësore për rritjen e përfshirjes financiare, me synim fundor përmirësimin e mirëqenies individuale dhe të shoqërisë në tërësi", tha Sejko, i cili vuri në dukje po ashtu se cilësia e vendimeve për financim ose investim ka impakt të drejtpërdrejtë mbi stabilitetin e gjithë sistemit financiar. dhe rrjedhimisht uljen e përdorimit të parasë fizike ( cashit) në ekonomi.
FISKALIZIMI Zëvendësimi i kasave fiskale me faturën elektronike do të implementohet gradualisht. Kështu, nga janari i vitit që vjen, të gjitha transaksionet midis bizneseve dhe konsumatorit, do të raportohen tek Administrata Tatimore në kohë reale, bazuar në një sistem të ri pajisjesh fiskale, ndërsa nga viti 2021, të gjitha transaksionet ndërmjet biznesit me njëri- tjetrin dhe ndërmjet biznesit dhe organeve publike do të bëhen në bazë të faturës elektronike.