FISKALIZIMI
Guvernatori Gent Sejko: Nisma synon rritjen e efikasitetit të fiskalizimit të ekonomisë shqiptare, në harmoni me nismat e BSH
Për të luftuar në rrënjë informalitetin, rezultatet e pritshme s'mund të arrihen përmes një aksioni disamujor. Duhet më tepër sesa kaq.
E vetëdijshme për këtë, ministrja e Financave, Anila Denaj, tha dje se planet operacionale, pavarësisht angazhimit dhe vullnetit të mirë, nuk e zgjidhin problemin. Një zgjidhje e përhershme dhe afatmesme, sipas ministres, kërkon disa aktorë dhe disa masa rregullatore. Një hap për të arritur këtë është edhe projektligji i ri për fiskalizimin që do të zëvëndësojë kasat fiskale me fatura elektronike. Në mbledhjen e Pestë të Komitetit Kombëtar të Pagesave, në Bankën e Shqipërisë, Denaj tha se krahas uljes së nivelit të ekonomisë informale, përmes këtij drafti synohet po ashtu përmirësimi i mbledhjes së të ardhurave, identifikimi i evazionit, ulja e nivelit të korrupsionit në administratë, ofrimi i sa më shumë shërbimeve publike për qytetarët dhe biznesin si edhe qasja e Shqipërisë më afër standardeve të Bashkimit Europian. "Qëllimi kryesor i këtij projekti është të luftojë evazionin fiskal nëpërmjet një legjislacioni të shëndetshëm, pajisjeve teknologjike dhe informacionit të përfituar në kohë reale për çdo transaksion të kryer në vend. Ky ligj synon krijimin e një sistemi të ri faturimi dhe monitorimi të transaksioneve të bizneseve në vend, bazuar në një sistem të ri të pajisjeve fiskale", theksoi ministrja. GUVERNATORI SEJKO
Projektligji "Për faturën dhe sistemin e monitorimit të qarkullimit" u konsiderua me rëndësi edhe nga Guvernatori i Bankës së Shqipërisë, Gent Sejko. Gjatë fjalës së mbajtur në takimin e djeshëm, Sejko tha se kjo nismë për rritjen e efikasitetit të fiskalizimit është në harmoni të plotë me nismat e ndërmarra nga BSH. "Masat e ndërmarra nga qeveria shqiptare për dixhitalizimin e shërbimeve qeveritare dhe rishtazi për projektligjin "Për faturën dhe sistemin e monitorimit të qarkullimit", i cili synon rritjen e efikasitetit të fiskalizimit të ekonomisë shqiptare, duket se janë në harmoni të plotë me nismat e ndërmarra nga Banka e Shqipërisë, nëpërmjet Komitetit Kombëtar të Sistemit të Pagesave, për Ky ligj synon krijimin e një sistemi të ri faturimi dhe monitorimi të transaksioneve të bizneseve në vend, bazuar në një sistem të ri të pajisjeve fiskale ( gjenerata e re e kasave fiskale). Kjo nënkupton që çdo shitje e një produkti nga çdo biznes do të dalë në kohë reale edhe në sistemin tatimor. Adaptimi i kësaj platformë të re elektronike do të jetë e detyrueshme për më shumë se 160 mijë biznese që operojnë në vendin tonë. modernizimin e tregut të pagesave dhe nxitjen e përfshirjes financiare të popullsisë". Sejko solli në vëmendje edhe studimet e kryera në bashkëpunim me Bankën Botërore, nga ku rezulton një përdorim i lartë i parasë fizike ( cash) në ekonominë shqiptare. Kjo, sipas Guvernatorit, mund të konsiderohet si një nxitës i informalitetit. "Konkluzionet e deritanishme evidentojnë qartë përfshirjen e ulët financiare të popullsisë shqiptare, jo vetëm krahasuar me vendet e Bashkimit Europian, por dhe me vendet e rajonit. Të gjitha këto reflektohen në një përdorim të lartë të parasë fizike ( cash) në ekonominë shqiptare. Nga studime empirike të kryera nga Banka e Shqipërisë në bashkëpunim me Bankën Botërore rezulton se përdorimi i cashit në ekonomi, përtej efekteve zbehëse te mekanizmat e Bankës së Shqipërisë në funksion të ruajtjes së stabilitetit të çmimeve e atij financiar dhe zhvillimit ekonomik, ka edhe një kosto konkrete nga përdorimi i tij si mjet pagese, ku në nivel ekonomie shkon më shumë se 1 për qind të PBB- së. Për më tepër, përdorimi i parasë fizike mund të konsiderohet edhe si një nxitës i informalitetit në ekonomi". Guvernatori Sejko u ndal në rezultatet e deritanishme të Komitetit Kombëtar të Sistemeve të Pagesave, më i rëndësishmi prej të cilëve vlerësohet miratimi i Strategjisë Kombëtarë të Pagesave me Vlerë të Vogël. Përmes kësaj strategjie synohet të krijohet një treg bashkëkohor dhe gjithëpërfshirës i pagesave me vlerë të vogël, të ofrohet një gamë e gjerë instrumentesh dhe shërbimesh të pagesave në mënyrë që të përmbushen nevojat e përdoruesve të tyre në rang vendi. Një tjetër nismë mjaft e rëndësishme në këtë fushë është dhe nxitja e procesit të dixhitalizimit të shërbimeve të pagesave. Lidhur me të, Banka e Shqipërisë ka hartuar projektligjin "Për shërbimet e pagesave", i cili synon stimulimin e përdorimit të instrumenteve elektronikë të pagesave nga publiku, uljen e kostos së tyre