VIZITA E PALMERIT
Të hënën është mbajtur një tjetër takim mes grupeve të punës së LDK- së dhe LVV- së për krijimin e qeverisë së re, strukturat që do të ketë koalicioni dhe politikat që do të ndjekë. Takimi ka zgjatur rreth tri orë. Glauk Konjufca nga LVV tha se kanë biseduar rreth programit për ekonominë, ku janë dakorduar në rreth 90 për qind të këtij programi me LDK- në. Ai shtoi se është folur për 40 çështje dhe për 90 për qind të tyre janë pajtuar. Atë 10 për qindësh për të cilin nuk janë rënë dakord do ta diskutojnë në takimet e ardhshme. “Zhvillimin ekonomik do ta përmbyllim”, tha Konjufca.
Përfaqësuesi i posaçëm i DASH- it për Ballkanin Perëndimor, Matthew Palmer, pritet të vizitojë Prishtinën gjatë kësaj jave. Palmer besohej se do të ishte përfaqësuesi special i SHBA- ve për bisedimet KosovëSerbi, por Presidenti amerikan Donald Trump e ka përgjithësuar rolin e tij në Ballkan dhe ka përcaktuar si emisar të posaçëm për bisedimet ambasadorin e SHBA- ve në Gjermani, Richard Grenell.
Ndërkohë, ambasadori i SHBAve në Prishtinë, Philip Kosnett, ka takuar drejtuesit e Lidhjes Demokratike të Kosovës dhe Lëvizjes Vetëvendosje në takime të veçanta, i interesuar për koalicionin qeveritar dhe prioritetet e tyre. “Gjatë këtij takimi është diskutuar për situatën aktuale politike në vend dhe bisedimet ndërmjet LDK- së dhe VV- së për formimin e institucioneve të dala nga zgjedhjet e tetorit 2019”, thuhet nga LDKja. Ambasadori amerikan, Kosnett, ka inkurajuar LDK- në të vazhdojë qasjen konstruktive në proceset e Kosovës. Në takim, të pranishëm ishin nënkryetarët Vjosa Osmani dhe Lutfi Haziri dhe anëtarët e Kryesisë, Kujtim Shala dhe Besian Mustafa. Pas kësaj, Kosnett ka shkuar në zyrat e Lëvizjes Vetëvendosje. Të pranishëm ishin kryetari Albin Kurti dhe nënkryetari i VV- së, Besnik
Bislimi, këshilltarja politike e Kosnett, Jessica Long, dhe shefja e Sektorit Ekonomik në ambasadën e SHBA- ve në Prishtinë, Lori Michaelson. Kosnett është interesuar për ecurinë e bisedimeve për krijimin e qeverisë së re. “Shefja e Sektorit Ekonomik në këtë ambasadë, Michaelson, vuri theksin te rëndësia e zhvillimit ekonomik në vend, duke shprehë interesimin dhe mbështetjen e ambasadës për projektet e qeverisë së ardhshme në këtë drejtim”, u njoftua pas takimit. Kurti e ka njoftuar Kosnett- in për ecurinë pozitive të takimeve me LDK- në, duke u shprehur i bindur se së shpejti do të formohet qeveria e re.