Mini- Shengeni, Vuçiç telefonatë Ramës dhe Zaevit
Presidenti serb, Aleksandar Vuçiç, zhvilloi një bisedë telefonike me Kryeministrin e Shqipërisë, Edi Rama. dhe atë të Maqedonisë së Veriut, Zoran Zaev, lidhur me përgatitjet për takimin e dytë trepalësh në Ohër, në të cilin ata duhet të vazhdojnë bisedimet për krijimin e një mini- Shengeni midis tri vendeve. "Një bisedë e shkëlqyer me Edi Ramën dhe Zoran Zaevin përpara samitit të rëndësishëm në Ohër, më 9 nëntor", shkruan Vuçiç në profilin e tij në "Instagram". Vuçiç, më parë, tha në një konferencë për media, se bisedimet me Maqedoninë e Veriut dhe Shqipërinë do të vazhdojnë, më pas edhe me vendet e tjera, për heqjen e pengesave të lëvizjes së lirë të mallrave, shërbimeve, njerëzve dhe kapitalit. Samiti i Ohrit pason atë të Novi Sadit, të mbajtur më 10 tetor të këtij viti. Rama Vuçiç dhe Zaev ranë dakord që brenda vitit 2021 të eliminohen kontrollet kufitare dhe pengesat e tjera të lëvizjes së lirë brenda rajonit. Sipas deklaratës së përbashkët, "njerëzit do të jenë në gjendje që të udhëtojnë me një kartë identiteti të vlefshme; do të jenë në gjendje që të punojnë kudo në rajon, sapo të kualifikohen për një vend pune; diploma do të njihet në gjithë rajonin. Do të shtohet bashkëpunimi kundër krimit të organizuar ndërkombëtar e, në tekst, theksohet gjithashtu se angazhimi të ndihmojë njëri- tjetrin, duke iu përgjigjur urgjencave të tilla si katastrofat natyrore". Kryeministri Edi Rama shpjegoi se "në thelb, qëllimi që na ka bashkuar në këtë format, është të shtyjmë përpara me më shumë energji e koordinim, procese që në letër janë shkruar e miratuar më shumë se një herë e të mos presim që këtë ta bëjnë të tjerët për ne". "Synimi që na ka bashkuar në këtë format ka rëndësi të madhe…. "S'ka ndryshim axhende në raport me partnerët ndërkombëtarë, por ka një ndryshim formati që është i ndërtuar mes nesh, pa pritur që Bashkimi Europian të ketë kohë të merret me ne. Le ta themi siç është në realiteti, ne nuk jemi prioriteti i BE- së, prioritieti i tyre është procesi ku kanë hyrë për të reformuar veten. Ne nuk mund të presim të bëhemi prioriteti i BE- së, por të avancojmë duke strukturuar një veprim shumë më aktiv", ka thënë Rama. Të tre udhëheqësit ballkanikë u mëshuan përfitimeve që ekonomitë e vendeve të rajonit pritet të kenë nga një nismë e tillë. Një takim i dytë është parashikuar të zhvillohet më 10 nëntor në Ohër, e takimi i radhës, pas këtaj, pritet të mbahet në Shqipëri.