VELIAJ: TEATRI FILLON VITIN E ARDHSHËM, ËSHTË KOHA PËR VENDIME

“Unë i pëlqej shumë debatet, por në të njëjtën kohë, e kuptoj kur është momenti për të marrë vendime… Teatri do të fillojë të ndërtohet vitin e ardhshëm”, kështu shprehet kryebashkiaku Erion Veliaj për gazetarin e “The Irish Times”, Daniel McLaughlin. Në një shkrim me titull “Fytyra e ndryshimit të Tiranës”, gazetari McLaughlin ka intervistuar gjithashtu edhe artistin Maks Velo, një ndër firmëtarët kundër shembejs së Teatrit Kombëtar e që për “The Irish Times” e ka përshkruar si të “tmerrshëm” planin e teatrit të ri, por Veliaj këmbëngul, thuhet ndër të tjera në artikull. “Ky është objekti i fundit pas të cilit mund të kacavirren për të luftuar. Kur ta humbasin edhe këtë, do të hyjnë në histori jo vetëm si ata që nuk bënë asgjë kur e patën qytetin në dorë, por bënë çdo gjë që të pengonin edhe të tjerët, edhe pasi e humbën mundësinë e tyre”, thotë ai për demokratët. Maks Velo, sipas “The Irish Times”, e përshkruan si të “tmerrshëm” planin e teatrit të ri dhe bashkë me kolegë të tjerë arkitektë kanë firmosur kundër ndërtimit të tij. “Gjëja që më mahnit më shumë këtu është fuqia e hajdutëve, thotë ai. - Duhet të ndërrojmë pasaportat dhe të themi se vijmë nga shpella e Ali Babës”. teatrin, bëri detyrën e tij para ligjit dhe Kushtetutës. “Asnjë falënderim për mua nga të gjithë artistët këtu, pasi unë nuk kam bërë asgjë tjetër veçse detyrën time të përditshme, edhe në çështjen e qëndrimit për Teatrin Kombëtar, duke mbrojtur Kushtetutën, duke mbrojtur ligjin, duke mbrojtur trashëgiminë kulturore, duke mbrojtur identitetin kombëtar. Dhe besoj se është e domosdoshme që të gjithë të reflektojmë e të dialogojmë si një shoqëri e qytetëruar, e emancipuar, për të zgjidhur të gjitha sfidat në mënyrë të arsyeshme, larg arbitraritetit, larg dhunës, larg mungesës së transparencës, larg interesave okulte, në interes gjithmonë të kulturës sonë, në interes të qytetarëve tanë. Nuk mund të ketë një Shqipëri europiane pa identitetin e saj kulturor dhe kombëtar”, tha Presidenti.