Basha: Skenar i Ramës, do dëmshpërblejmë çdo banor
Kryemadhi: Skena e dhunës parathotë fundin e Kryeministrit
Përplasja në orët e parë të mëngjesit të djeshëm të banorëve të Astirit në Unazën e Re me Policinë, bëri që kryetari i Partisë Demokratike, Lulzim Basha, të ndërpriste turin e tij të takimeve me biznesin dhe të shkonte pranë banorëve.
Në mesditë, kryedemokrati Basha shkoi në Spitalin e Traumës ku pa nga afër banorët që kishin pësuar fraktura nga përplasja. Në një prononcim për mediat, Basha akuzoi Kryeministrin Rama dhe kryebashkiakun Veliaj se e kanë paramenduar një skenar të tillë, me qëllim fshehjen e skandalit me koston e shtuar të lotit të parë të Unazës së re. “Ky është bilanc i një goditjeje të planifikuar nga Edi Rama ndaj qytetarëve të pafajshëm dhe të pambrojtur që mbronin shtëpitë e tyre. Ky është një skenar i përgatitur me kujdes dhe ka një qëllim dhe vetëm një qëllim; të çonte drejt gjakosjes së qytetarëve, drejt përçarjes së qytetarëve, të çonte drejt konfrontimit me forcat e rendit, për të fshehur vjedhjen e madhe që Edi Rama, Erjon Veliaj dhe të tjerët që kanë planifikuar tek i ashtuquajturi projekti i Unazës së Re”, tha Basha. Kreu i selisë blu paralajmëroi të gjithë aktorët që kanë qenë kundër banorëve në Unazën e Re, se do të mbajnë përgjegjësi ligjore kur PD- ja të vijë në pushtet. “Duke e thënë mjaft qartë, se duke dënuar me ashpërsinë më të madhe këtë sjellje kriminale, paralajmëroj gjithsecilin që është përgjegjës për këtë, nga urdhëruesit, që qartësisht është Edi Rama, është Erjon Veliaj, janë ekzekutorët. Të gjithë do të mbajnë përgjegjësi para ligjit. Dita nuk do të vonojë dhe ju jap fjalën që nuk do të mungojë kur ata të përgjigjen