U gjend me plumb në trup, hetohet për krim në familje
DURRES – U arrestua për tjetërsimin e 68 mijë metrave katrorë tokë në Gjirin e Lalzit, Gjykata liron ish- kreu e Hipotekës. Gjykata e Apelit në Durrës ka ndryshuar masën e sigurisë nga “Arrest në burg”, në “Detyrim paraqitje” për ish- drejtorin e Hipotekës, Ardjan Iliazaj, i cili u akuzua bashkë me disa prej vartësve të tij, ish- punonjës të ALUIZNI- t dhe ish- Komunës Ishëm për tjetërsimin e pronave në zonën e Gjirit të Lalzit. I lirë në detyrim paraqitje është lënë edhe ish- juristi i Hipotekës, Renaldo Pastërma dhe Albert Doda, që, sipas Prokurorisë, është përfitues i një parcele me dokumente të falsifikuara. Për pjesën tjetër të të arrestuarve në megaoperacionin “Rodoni”, Bledar Zerba, Delis Kapxhiu, Mikel Zaho, ish- kreun e Komunës Ishëm, Sulejman Ibrahimi, Gjon Proja, si dhe biznesmeni Lush Osmani, i cili vijon të jetë në kërkim policor, Apeli ka lënë në fuqi vendimin e Gjykatës së Shkallës së Parë, atë të “Arrestit në burg”. Personat e sipërpërmendur ishin pjesë e listës prej 27 personave të evidentuar nga prokurori Afrim Shehu, si pjesë e një grupi të strukturuar kriminal, që, me anë të falsifikimit të dokumenteve, kishin tjetërsuar 68 mijë metra katrorë tokë shtetërore, kryesisht në zonën turistike të Gjirit të Lalzit dhe Kepit të Rodonit. Për pjesën tjetër të grupit, pak ditë më parë, Gjykata e Durrësit vlerësoi që si masë shtrënguese të linte atë të detyrimit të paraqitjes. Pjesëtarët e këtij grupi, mes tyre ishpunonjës dhe kryetari i Komunës Ishëm, drejtues Hipoteke, ALUIZNI, hartografë, topografë e juristë të këtyre institucioneve, akuzohen për veprat penale “Korrupsioni pasiv i personave që ushtrojnë funksione publike”, “Shpërdorimi i detyrës”, “Falsifikimi i dokumenteve”, “Mashtrimi” dhe “Grupi i strukturuar kriminal, kryer në bashkëpunim”. Nga hetimet ka rezultuar se përgjatë 5 viteve, nga viti 2013 e në vazhdim, personat nën hetim kanë bashkëpunuar për të tjetërsuar tokën shtet përkundrejt përfitimit të vlerave të ndryshme monetare. Sipas Prokurorisë, tjetërsimi i mbi 68 mijë metrave katrorë tokë në bregdetin e Durrësit ka ndodhur përgjatë pesë viteve, 20132018. Nga hetimet që kanë zgjatur për rreth një vit, mësohet se këta punonjës, mes tyre drejtues, juristë, hartografë, topografë, specialistë, duke shpërdoruar detyrën, kanë tjetërsuar këtë hapësirë nga tokë shtetërore pa frut, në tokë are, ua kanë shpërndarë personave të ndryshëm kundrejt përfitimit. Këtë sipërfaqe toke ua kanë shpërndarë personave me banim në Durrës, të cilëve nuk u takonte të merrnin tokë në pronësi sipas ligjit. Skema është zbuluar nga hetimet e nisura gjatë këtij viti, ku ishzyrtarë dhe përfitues janë mbajtur në përgjim. l. m