Shtet xhungël, le të noterizohen edhe synetlliqet

e pa dy, ajo që do duhej të ishte garantja e Kushtetutës nesër, nëse në mënyrë legale shpallej Gjykatëse Kushtetuese, shkeli mbi Kushtetutën dhe mbi fantazinë qytetare. I padëgjuar, i pandodhur, unik, gjesti i saj sot la vetëm një shije kudo, atë të çmeritjes. Psherëtima “e bënë edhe këtë, arritën deri këtu”, përsëritej dendur me këdo që i interesojnë zhvillimet publike. U betua te noterja zonja Vorpsi, por ajo, e cila mund të jetë edhe juriste e mirë, e filloi këtë aventurë e bindur për sa po bën. Fort mirë e ka të qartë që ka shkelur ligjin me urdhër partie.

Nuk ka shumë paqartësi për të kuptuar se ç’vendime merr ajo nesër për votimet e 30 qershorit, për çështjen e Teatrit Kombëtar dhe të tjera ndodhi që në rrethana normale do t’i binin ndesh kësaj qeverie. Në një vend normal do duhej që në Gjykatën Kushtetuese të kishim gjyqtarët më të mirë në fund të karrierës, Vorpsi asnjë ditë s’ka qenë e tillë, po ky është hesap tjetër. U betua te noterja dhe me vrap në zyrë. Çfarë skene! Çfarë shteti dhe institucionesh! Çfarë katandisje për egon e një personi të vetëm!

Mendojeni Vorpsin duke u betuar poshtë fotografive familjare të Tiranës në një pallat buzë Lanës. Po ta lexonim diku, do të thoshim njëzëri se fantazia e autorit është e rënduar. Linkolni thoshte: “Kur lapsin e marrin në dorë injorantët, pushkën kriminelët, pushtetin tradhtarët, vendi shndërrohet në një xhungël, që nuk është më për njerëzit”. Nesër, Edi Ramës i teket dhe nxjerr policët në çdo zyrë dhe nxjerr prej andej këdo dhe nuk i lë të futen.

Ky shtet tashmë është xhungël. Mes nesh nuk funksionon forca e ligjit, po ligji i forcës totalitare. Tani le të nxjerrin një ligj nesër në seancën urgjente të orës 10: 00 për të noterizuar edhe synetllëqet. Grotesk dhe përdhunim skuadrist është kjo që ndodh. Krahas ligjit të censurës që po përgatitet, kjo e sotmja tregon qartë derivën e Kryeministrit. Propagandë dhe frikë, institucione që legjitimojnë çdo gjë. Rilindësit thonë kështu do Amerika, por kjo gënjeshtër duhet të jetë, sepse e vërtetë po të ishte, ajo që mbetet model i demokracisë, i bie që po ndihmon një uzurpator për ta vrarë për shumë vjet demokracinë shqiptare.

Krahas ligjit të censurës që po përgatitet, kjo e sotmja tregon qartë derivën e Kryeministrit. Propagandë dhe frikë, institucione që legjitimojnë çdo gjë. Rilindësit thonë kështu do Amerika, por kjo gënjeshtër duhet të jetë, sepse e vërtetë po të ishte, ajo që mbetet model i demokracisë, i bie që po ndihmon një uzurpator për ta vrarë për shumë vjet demokracinë shqiptare