Zbulohet tabela e votimit në KED, loja me pikët e Dvorani- Marku
"Dvorani bllokoi procesin që të kandidojë për Kushtetuesen"
Kryetarja e Lëvizjes Socialiste për Integrim, Monika Kryemadhi, tregoi dje detaje të reja në lidhje me "Lojën" me emërimet e anëtarëve të Gjykatës Kushtetuese.
Në një intervistë për "Zërin e Amerikës" në SHBA, Kryemadhi ka ngritur dyshime se përplasja për "Kushtetuesen" është ideuar nga Kryeministri Rama dhe zbatuar nga kreu i KED, Ardian Dvorani, bashkëshortja e avokatit të ish- ministrit socialist Saimir Tahiri, Maks Haxhia. Sipas Kryemadhit, Publikimi në Fletoren Zyrtare i Arta Vorpsit është i paligjshëm. "Me çfarë të drejtë z. Dvorani boton vendimet e KED? Në çfarë ligji është bazuar për të botuar në Fletoren Zyrtare vendimet e KED?
Sepse, sipas ligjit, është e shkruar në Kushtetutë, nuk ekziston që z. Dvorani të botojë publikimet e vendimeve të tyre. Kush është personi që ia ka bërë këtë gjë? Cilat janë lidhjet e z. Dvorani me drejtoreshën e Qendrës së Publikimeve? A mos ndoshta bashkëshortja e Maks Haxhisë është drejtoresha e Publikimeve dhe nuk ka publikuar dekretet e Presidentit?!", tha Kryemadhi. Por sipas kryetares së LSI- së, plani është më afatgjatë. Ajo ngriti dyshimin se i gjithë ky kaos me Gjykatën Kushtetuese po krijohet në mënyrë që kreu aktual i KED vitin tjetër, kur të ngrihet KED e re, të kandidojë për t'u bërë kryetar i Gjykatës Kushtetuese. "A vjen gjithë ky proces për mosfunksionimin e Gjykatës Kushtetuese në mënyrë të tillë që z. Dvorani t'i vijë përsëri mundësia në KED e radhës për të kandiduar dhe për të qenë Kryetar i Gjykatës Kushtetuese? Kur z. Mathew Palmer ka qenë në zyrën e LSI- së, në 9 Prill ka thënë që muaji Korrik do t'ju gjejë më Gjykatë Kushtetuese. Dhe sot, mbas kaq muajsh, kjo bëhet vetëm pas një këmbëngulje të fortë, pas një lëvizje të jashtëzakonshme të shumë individëve që janë pro shqiptarëve dhe duan të ngrihen me urgjencë institucionet e drejtësisë, sepse vetëm në këtë mënyrë ne do të ndalojmë largimin e shqiptarëve dhe kapjen e ekonomisë nga krimi dhe bandat e organizuara", vijoi Kryemadhi. DJEGIA E MANDATEVE
Mungesa e Gjykatës Kushtetuese, sipas kryetares së LSIsë, ka qenë një nga faktorët që opozita dogji mandatet në shkurt të këtij viti. Po ashtu, Kryemadhi tha se opozita nuk kishte besim tek institucionet shqiptare dhe te ndërkombëtarët, pasi, sipas saj, janë të kapura nga Kryeministri Rama. "Ikëm për shkak të kapjeve të faktorëve ndërkombëtarë nga qeveria e z. Rama, nga rilindja ndërmjet aferave të ndryshme. Mos kujtoni se ka argumente të ndryshme pafundësisht, që do të qelbej bota po të nxirreshin për sa i përket mënyrës sesi ka funksionuar z. Rama për të
A vjen gjithë ky proces për mosfunksionimin e Gjykatës Kushtetuese në mënyrë të tillë që z. Dvorani t'i vijë përsëri mundësia në KED e radhës për të kandiduar dhe për të qenë Kryetar i Gjykatës Kushtetuese?
kapur shtetin dhe për të bërë një dipstate, gjë që është shumë e rëndë për Shqipërinë në situatën që gjendet sot Ballkani, të një situate jashtëzakonisht të rëndë, kur gjendemi përballë sigurisë kombëtare, kur gjendemi përballë sigurisë rajonale, gjendemi përballë stabilitetit, ndërkohë që kemi një rritje të madhe të influencave të shumë grupeve qofshin këto, po themi zhvillimoreekonomike, por në aspektin dhe strategjinë shqiptare janë antishqiptare dhe janë antistabilitetit të rajonit", tha kryetarja e LSI- së.