Pronat, përfituesit nga fondi fizik dhe financiar

Agjencia e Pronave publikon emrat e 14 pronarëve që kompensohen

Skema e re e kompensimit u jep mundësi pronarëve të marrin vetëm 20 për qind të vlerës nga fondi financiar dhe për pjesën e mbetur do të mbulohen nga fondi fizik.

Dje, Agjencia e Pronave ka publikuar listën me emrat e përfituesve. Ashtu siç ka ndodhur edhe herët e tjera, bëhet fjalë për një pakicë dosjesh të shqyrtuara rishtazi. "ATP njofton se aktualisht ka përfunduar shqyrtimin e 18 aplikimeve, me objekt kompensimin financiar dhe kompensimin fizik nga fondi i tokës në dispozicion të ATP- së, për pronën e njohur me vendimet e ish- KKKP- ve. Nga aplikimet e shqyrtuara deri më tani, rezulton se për 14 aplikime është caktuar masa e kompensimit dhe për 4 të

MILIONË

lekë është fondi që do të ndahet për 14 familje. Skema përcakton që vetëm për 20 për qind të vlerës së tokës, pronarët të kompensohen financiarisht dhe për pjesën e mbetur të mbulohen nga fondi i tokës tjera është vendosur përfundimi i procedimit administrativ", thuhet në njoftim.

FONDI Për kompensimin financiar do të ndahet një fond që kap vlerën e 17 milionë lekëve, ndërkohë nga fondi i tokës janë 40 hektarë. "Vlera e fondit financiar të shpërndarë është 17 478 037,46 lekë. Sipërfaqja e kompensuar fizikisht nga fondi i tokës është 405 169 m2, ( 40.5 ha) të kompensuara fizikisht në ishpronën e subjektit të shpronësuar", vihet në dukje nga ATP.

APLIKIMET Janë mbi 18 mijë dosje me vendime nga viti 1993 deri në 2014, për të cilat Agjencia ka dalë me një faturë duke i hapur në këtë mënyrë rrugë edhe ekzekutimit të tyre. ATP edhe dje ka ripërsëritur thirrjen për aplikime. "Procesi i aplikimit dhe ekzekutimit të vendimeve përfundimtare të vlerësuara financiarisht për vitet 1993- 2013 është një proces i vazhdueshëm dhe i hapur për të gjitha subjektet. ATP fton të gjitha subjektet e vendimeve përfundimtare të vlerësuara financiarisht, që të paraqiten pranë zyrave të saj për të aplikuar duke plotësuar dhe depozituar dokumentacionin përkatës".