Mesi, “Topi i Artë” për herë të 6- të, lë pas CR7

Van Dajk renditet në vend të dytë, Ronaldo mbyll podin

Dhe ja tek vjen numri 6. Tashmë Lionel Mesi është një hap përpara Kristiano Ronaldos dhe vendos në vitrinën e tij trofeun e gjashtë të "Topit të Artë".

Didier Drogba u kthye në një komedian të tmerrshëm, ndërsa u përpoq ta mbante sallën pezull, përpara se të shpallte emrin e fituesit... Lionel Mesi. Duartrokitje në sallë dhe një buzëqeshje e argjentinasit. Tashmë ai ka më shumë trofe se askush tjetër në histori. Një më shumë se CR7, i cili mbërriti vetëm i treti këtë vit dhe e injoroi ceremoninë, duke preferuar të marrë pjesë në Gran Galanë e çmimeve të sezonit në Itali. Argjentinasi triumfon edhe pa Champions- in, ku e la skenën në gjysmëfinale përballë Liverpulit të Salah, Mane, Firmino, Alison, Van Dajk, Vajnaldum dhe Arnold. Shtatë kampionë Europe, kampionë të padiskutueshëm në Paris. Mbi të gjitha egjiptiani, që mbërriti në vend të pestë, pas Manesë, i katërti dhe Van Dajkut, i dyti. Në pod mbetet Ronaldo, që humbet një pozicion nga viti i shkuar kur e fitoi Modriç.

PASARDHËSI Kapiteni i Barcelonës e mbylli sezonin e shkuar si golashënuesi më i mirë i Championsit ( 12 gola), golashënues dhe asistmeni më i mirë i La Ligës, fituar nga Barcelona. Kristiano ndoshta paguan sezonin më pak shkëlqyes sesa rivali, pavarësisht 20 golave të realizuar gjatë 2019- ës. Mesi ka shënuar më shumë se dyfishi, 41. Por tetë gola i shënoi edhe qendërmbrojtësi holandez, mbreti i dueleve ajrore mes mbrojtësve në Europë. Por, 180 gazetarët e jurisë nuk zgjodhën simbolin e epokës së Liverpulit në Champions, i cili eliminoi me përmbysje Barcelonën e Mesit ( 3- 0; 04) dhe në finalen e Madridit iu imponua Totenhemit 2- 0. Edhe me një gol të Salahut, i cili nuk u pa në Paris, ashtu si Mane. Mes dhjetë të parëve, gjen vend edhe portieri Alison ( i shtati). Përpara tij, Mbape i PSG- së. Vendi i tetë për Robert Levandovskin e Bajernit kampion në Gjermani. Vendi i nëntë për Bernardo Silvën, kampion i Anglisë me Mançester Sitin, ashtu si kolegu Rijad Mahrez, i cili mbyll dhjetëshen e parë edhe për meritë të Kupës së Afrikës, që fitoi me Kombëtaren e Algjerisë.