“SHBA, kundër shkëmbimit masiv të popullatës dhe hartës” MINI- SHENGEN
Kosnett: Qeveria do jetë efikase, Lista Serbe s’mund të injorohet
Ambasadori i SHBA në Kosovë, Philip Kosnett, e ka vlerësuar Kryeministrin e ardhshëm të Kosovës si një njeri shumë inteligjent dhe të pjekur.
Në një intervistë për “Express” në Kosovë, ai ka sqaruar mirë pozicionin e SHBA në dialogun mes Kosovës dhe Serbisë dhe ka hedhur poshtë zërat se Amerika po nxit shkëmbimin e kufijve. Sa për qeverinë e re të Kosovës, Kosnett tha se ka bindjen se Albin Kurti dhe Isa Mustafa do të gjejnë konsensus për të krijuar një qeveri efikase, si dhe ka theksuar faktin që Lista Serbe nuk mund të injorohet. Sa për zgjedhjet e 6 tetorit, “Nuk do të thosha se ishin të përkryera. Ne kishim disa raportime shqetësuese për përfshirjen e disa partive në frikësim dhe sjellje të pahijshme, por le të flasim për anën pozitive. Ambasadori shprehu bindjen se LDK- ja dhe Vetëvendosja do të arrijnë të gjejnë kompromis. PROBLEMET ME LISTËN
SERBE Me gjithë deklaratat e Albin Kurtit se nuk do ta përfshijë Listën Serbe në qeveri, ambasadori Kosnett tha se “Lista Serbe është një realitet politik... Unë besoj shumë se z. Kurti e kupton mirë Kushtetutën e Kosovës... Kështu që besoj se ai duhet të flasë me shumë politikanë serbë të Kosovës, përfshirë këtu edhe Listën Serbe, dhe ta gjejë rrugën më të mirë”. Ambasadori shtoi se “Ka pasur raportime të besueshme që na kanë shqetësuar lidhur me sjelljen jo të duhur të Listës Serbe dhe frikësimit të të tjerëve. Mund të harxhojmë kohë duke folur për këto, por çka mendoj se është e rëndësishme të kuptohet, është se Lista Serbe nuk mund të injorohet. Është realitet politik që ka mbështetje të fuqishme. Jo 100 për qind të mbështetjes, por mbështetje të madhe nga serbët e Kosovës... Po, Beogradi ka shumë ndikim në Listën Serbe... Por, nëse Kosova vërtet e ndërton një të ardhme ku secili qytetar të ndihet se ka hise në këtë shtet, ku zërat e tyre dëgjohen, atëherë ata do të shikojnë më pak nga shtetet fqinje për orientim politik”. VLERËSIMI PËR KURTIN
I pyetur për qëndrimin interesat në Kurtit kundër marrëveshjes së Rambujesë, kundër pakos së Ahtisaarit, kundër Asociacionit dhe Demarkacionit dhe sulmin fizik ndaj ish- ambasadores amerikane, Tracey Ann- Jacobson nga aktivistë të VV- së gjatë një proteste, ambasadori Kosnett u shpreh se mendon që Albin Kurti ka ndryshuar. “Ai është njeri shumë inteligjent dhe shumë i pjekur. E ka bërë të qartë se Vetëvendosje e ka lënë dhunën politike në të kaluarën. Nuk kam asnjë dyshim se z. Kurti kur të bëhet Kryeministër do të ndërtojë një marrëdhënie profesionale dhe konstruktive edhe me Presidentin Thaçi ( me të cilin aktualisht nuk flasin)”, u shpreh Kosnett. Duke folur më gjerësisht mbi dialogun, ai tha se “puna që është bërë deri tani mes Presidentit Thaçi dhe Presidentit Vuçiç nuk duhet të injorohet dhe të hidhet anash... Unë mendoj gjithashtu se është e rëndësishme që qeveria t’i marrë parasysh qëndrimet e një mase të gjerë të qytetarëve të Kosovës. Jo vetëm të partive politike, por edhe të shoqërisë civile, organizatave, qytetarëve të zakonshëm”. KORRIGJIMI I KUFIJVE
Një nga çështjet më të rëndësishme për të cilat foli ambasadori amerikan në atë intervistë, ishte sqarimi i SHBA për idenë e korrigjimit të kufijve. Kosnett tha se nuk ka pasur asnjë propozim zyrtar as nga Vuçiç dhe as Thaçi për shkëmbim të tokës. “Disa njerëz e kanë interpretuar sikur amerikanët aktivisht e kanë shtyrë idenë e shkëmbimit të territoreve, gjë që kurrë nuk ka qenë e vërtetë. Gjithashtu, do të kthehem te këndvështrimi im i mëhershëm: çfarëdo marrëveshje gjithëpërfshirëse duhet të jetë e pranueshme për popujt, jo vetëm për liderët politikë. Dhe është e dukshme që ka shumë pak përkrahje në Kosovë për ndryshime të mëdha kufijsh”. Ai foli për diskutimet për shkëmbime dra
“Besoj fuqishëm që Kosova duhet të jetë një pjesëmarrëse aktive në nismën e fundit të quajtur Mini- Shengen. Shumë njerëz në Kosovë nuk pëlqejnë atë që po dëgjojnë për MiniShengenin, por përgjigjja ime për këtë është: dërgojeni një delegacion në takimin e ardhshëm. Vendosni në tavolinë qëndrimet tuaja dhe jepini formë procesit e jo vetëm ta injoroni atë sepse mendoj që shtetet e tjera në rajon e dinë që nuk mund të krijojnë ekonomi rajonale dhe paqe rajonale, duke injoruar ndonjë shtet të rajonit”. matike të popullsive, rivizatim të hartës. “Çka më duhet të them, është se nëse në kuadër të negociatave për të gjitha çështjet e ndryshme që dy shtetet duhet të bisedojnë; tregtia, investimet, bashkëpunimi në çështjet e zbatimit të ligjit, hetimet, siguria.. në kuadër të këtyre bisedimeve të gjera, nëse Kosova dhe Serbia pajtohen të flasin edhe për shënimin e kufijve, për ndryshime shumë të vogla, ne nuk do të themi prerazi jo, ju nuk mund të flisni për këtë. Palët janë aty për të diskutuar. Por, mendoj që e gjitha ajo që është folur viteve të fundit për shkëmbime masive të popullatës dhe territorit, është e qartë se kjo është çështje që askush në këtë shtet nuk e përkrah dhe kjo është bërë shkatërruese nga diskutimi për gjëra pozitive, që do të përmirësonin raportet me Serbinë”, theksoi ambasadori amerikan.