ZGJIDHEN DHE ANËTARËT ZËVENDËSUES
Presidenca zgjodhi me anë të shortit anëtarët e Këshillit të Emërimeve në Drejtësi, që do të funksionojë gjatë vitit 2020.
Tre anëtarë të KED- së që funksionoi gjatë këtij viti, do të jenë edhe një vit në këtë organ, për shkak të mungesave në Gjykatën Kushtetuese dhe atë të Lartën. Kështu, Ardian Dvorani do të vazhdojë të drejtojë KED- in edhe për një mandat, ndërsa pjesë e këtij organi do të vazhdojnë të jenë Vitore Tusha dhe Arta Marku. Hedhja e shortit u monitorua nga Avokati i Popullit, kreu i KLPsë, zëvendëskreu i KLGJ- së dhe ndërkombëtarët. Presidenca njoftoi dje për shortimin e kandidatëve dhe zgjedhjen e Këshillit të Emërimeve në Drejtësi, që ka mandat 1vjeçar. "Presidenti i Republikës, Ilir Meta, në zbatim të detyrimeve kushtetuese dhe ligjore, zhvilloi në datë 5 dhjetor 2019, ora 12: 00, shortin për zgjedhjen e anëtarëve të Këshillit të Emërimeve në Drejtësi, i cili e ushtron detyrën me një mandat njëvjeçar. Mandati i këtij këshilli ushtrohet prej datës 1 janar 2020, deri më 31 dhjetor 2020. Shorti u hodh në prani të Avokatit të Popullit, znj. Erinda Ballanca, e cila monitoroi procesin, së bashku me përfaqësuesit e institucionit që drejton, Kryetarit të Këshillit të Lartë të Prokurorisë, zotit Gent Ibrahimi, Zëvendëskryetarit të Këshillit të Lartë Gjyqësor, zotit Maksim Qoku, përfaqësueses së Gjykatës Kushtetuese, zonjës Olta Aliaj, të Ngarkuarës me Punë të Ambasadës së Shteteve të Bashkuara, zonjës Leyla MosesOnes, përfaqësues të Kuvendit të Shqipërisë, deputetes zonjës Klotilda Bushka, Kryetarit të Komisionit të Pavarur të Koordinimit, Monitorimit për zbatimin e ligjit nr. 115/ 2016, pranë Kuvendit të Shqipërisë, zotit Artan Spahiu, drejtueses së Seksionit Ligjor të Delegacionit të Bashkimit Europian, zonjës Lenka Vit
Presidenca votoi dje edhe anëtarët zëvendësues të Këshillit të Emërimeve në Drejtësi. Kështu, për çdo institucion u përzgjodh nga një anëtar, që do të jetë zëvendësues në rast mungesash. Për Gjykatën Kushtetuese u zgjodh Marsida Xhaferllari. Nga Prokuroria e Përgjithshme u zgjodh Bilbil Mete. Nga Gjykata e Apelit, Nazmi Troka. Nga Zyrat e Prokurorive pranë Gjykatave të Apelit, Nezir Gjoka dhe nga Gjykatat Administrative, Marjana Velçani ( Idrizi). kova", shkruhet në njoftimin e Presidencës.
KED Këshilli i Emërimeve në Drejtësi është institucion me mandat 1- vjeçar dhe në dhjetor fillojnë procedurat për të përzgjedhur atë të vitit 2020. KED ka funksion të bëjë verifikimin, vlerësimin e kritereve profesionale e morale të kandidatëve për anëtarë të Gjykatës Kushtetuese dhe për Inspektor të Lartë të Drejtësisë. Ky komisioni përbëhet nga 9 anëtarë, të cilët shërbejnë për një mandat njëvjeçar, nga 1 janari deri më 31 dhjetor të vitit përkatës. Ku institucion përbëhet nga 2 anëtarë nga gjyqtarët e Gjykatës Kushtetuese, 1 anëtar nga gjyqtarët e Gjykatës së Lartë, 1 anëtar nga prokurorët e Prokurorisë së Përgjithshme, 2 anëtarë nga gjyqtarët dhe 2 nga prokurorët e Apelit dhe 1 anëtar nga gjyqtarët e Gjykatave Administrative. SI PËRZGJEDH KED Këshilli e ushtron veprimtarinë e tij në mënyrë kolegjiale, sipas rregullave dhe procedurave të parashikuara në ligj. Pjesëmarrja në mbledhjet e Këshillit është e detyrueshme dhe anëtarët që mungojnë, zëvendësohen nga anëtarët zëvendësues. Këshilli i Emërimeve në Drejtësi, me vendim, miraton rregulla më të detajuara për përzgjedhjen dhe pikëzimin e kandidatëve, duke përfshirë edhe rregullat për procedurën e verifikimit të pasurisë, integritetit dhe të së shkuarës profesionale dhe personale të tyre. "Këshilli vendos me shumicën e votave në prani të të paktën pesë anëtarëve. Këshilli i Emërimeve në Drejtësi, në procesin e verifikimit të plotësimit të kushteve ligjore dhe të vlerësimit të kritereve profesionale e morale kërkon informacione nga institucione të tjera. Në përfundim të procesit të verifikimeve, sipas pikës 4, të këtij neni, Këshilli interviston kandidatët që plotësojnë kushtet ligjore, bën renditjen e tyre sipas kritereve të parashikuara në ligj", shkruhet në ligj.