SHTYRJA E MANDATIT

Komisioni i Reformës Zgjedhore do të vazhdojë punën e tij, pasi Kuvendi votoi që puna të vijojë edhe për vitin e ardhshëm. Ky vendim u mor pasi komisioni e kishte mandatin deri në datën 28 nëntor. Kjo shtyrje e mandatit të Komisionit nuk është pëlqyer nga disa deputetë të opozitës në Parlament, të cilët e kanë konsideruar atë si një zvarritje dhe tentativë për të mos prodhuar rezultatin e kërkuar, që mbetet i njëjtë, ndryshimi i sistemit zgjedhor. të kontraktuar nga Kuvendi, ata do duhet të zgjidhen nga radhët e nëpunësve civilë ose jashtë administratës pas trajnimit. Më herët, disa drejtues të partive të vogla kanë kërkuar që komisionerë në zgjedhje të vendosen juristë, noterë, avokatë, punonjës të bankave, por edhe studentë të magjistraturës. Komisioni i Reformës Zgjedhore është futur në fazën finale të punës së tij, pasi anëtarët e këtij komisioni të posaçëm, janë ndarë në tri grupe pune. Këto grupe pune, bashkë me ekspertët e kontraktuar nga Kuvendi, deri më tani kanë prodhuar dy draftraporte. Por këto dy draftraporte, në takimin e fundit të organizuar nga OSBE- ja, ku ishte e pranishme edhe opozita jashtëparlamentare, nuk u pranuan tërësisht nga ekspertët e OSBE- së. Në këto drafte, janë cekur temat e votimit elektronik, votës së emigrantëve, ristrukturimi i KQZ- së dhe administrata zgjedhore. Por çështja më e nxehtë, që kërkohet me ngulm nga opozita parlamentare, ndryshimi i sistemit zgjedhor, ende nuk është përfshirë në asnjë dokument. Sipas dy drejtuesve të këtij komisioni, Rudina Hajdarit dhe Damian Gjiknurit, kjo zgjedhje është bërë për shkak se kjo është tema që prodhon më shumë debat dhe që palët kanë kërkuar më shumë kohë.