Kreu i PD: Rama s'mund të mbyllë gojën e opozitës

Kreu i PD- së, Lulzim Basha, ka reaguar pas kërkesës së Prokurorisë për të dënuar me burg ish- deputetin Ervin Salianji, si i pandehur në çështjen e njohur si "Babale". Në një postim në rrjetet sociale, Basha e quan gjyq politik dhe akuzon Kryeministrin Rama se po rikthen në Shqipëri gjyqet politike kundër opozitës. "Askush nuk do të arrijë kurrë t'i mbyllin gojën as Ervin Salianjit dhe asnjë përfaqësuesi politik të Partisë Demokratike. Beteja jonë me krimin e organizuar dhe denoncimi i lidhjeve të krimit të organizuar me qeverinë e Edi Ramës dhe shërbëtorëve të tij në drejtësi, nuk ka për t'u ndalur", paralajmëroi Basha. Ndërkohë, ishKryeministri Sali Berisha u ka bërë thirrje ndërkombëtarëve të ndëshkojnë ashpër Kryeministrin aktual Edi Rama. Në postimin e tij, Berisha shkroi se procesi ndaj ish- deputetit dhe gazetarit ishte politik dhe burgu për ta u kërkua sepse iu faktuan shqiptarëve dhe botës lidhjet me trafiqet dhe drogën të politikës. "Edvin Kristaq Xhelati urdhëroi sot fallangat e tij të KÇK- së të dënojnë si kundërshtarë politikë me proces kriminal dhe të turpshëm si deputetin Salianji, ashtu dhe gazetarin investigativ Olldashi, sepse ata iu faktuan shqiptarëve dhe botës lidhjet me trafiqet dhe drogën të Edvin Kristaq Drogës, Faqezi Drogës, Agron Geron Drogës, Ardi Geron Drogës dhe piramidës së drogës së narkoshtetit, drejtorë lokalë dhe qendrorë të Policisë, oficerë të SHISH- it, narkoprokurorë dhe deri te narkoministri i Brendshëm dhe kryekreu i meduzës së narkoshtetit shqiptar, vet Edvin Mafia", shkroi Berisha.

Në komunikime të mëtejshme, pa diskutim që do të rikthehem për çdo akt që ka cituar Prokuroria politike, duke mos marrë asnjë provë parasysh nga ato që kemi paraqitur