Opozita kritika për ligjin e ri, Basha: Rama, luftë fjalës së lirë për të fshehur realitetin
Zv. sekretari i PPE: Të luftohet krimi
Zëvendëssekretari i përgjithshëm i Partive Popullore Europiane, Christian Kremer, deklaroi dje se krimi i organizuar në Shqipëri ushqehet nga politika. I ftuar për të dytin vit radhazi në Akademinë Politike të FRPD- së, Kremer ka folur pa dorashka në lidhje me problemet që ka Shqipëria. Ai shtoi se këto shqetësime i dinë të gjithë në BE. "Konstatoj për fat të keq, që problemet janë të njëjtat sepse në Bruksel i dimë fare mirë problemet në vend. Për shembull, çështja e ndarjes së krimit të organizuar nga politika, largimi i personave me rekorde kriminale nga postet publike. Megjithëse këto kanë qenë probleme madhore, kemi parë që asgjë nuk është zgjidhur deri tani. Krimi i organizuar ende ushqehet nga politika dhe janë qytetarët e thjeshtë e të ndershëm që e paguajnë këtë faturë", tha Kremer. Më tej, zëvendëssekretari i përgjithshëm iu drejtua me një kërkesë konkrete Brukselit. "BE dhe Komuniteti Ndërkombëtar duhet të vazhdojnë të ushtrojnë presion, në mënyrë që krimi i organizuar të luftohet
Shqipëri. Çështjet që kanë të bëjnë me drejtësinë vazhdojnë dhe probleme të tjera të reja kanë dalë së fundmi për median", deklaroi Kremer. Zv. sekretari i PPE- së preku edhe çështjen e hapjes së negociatave, duke garantuar mbështetjen e plotë të organizatës më të madhe politike në Europë. "Me lejoni të them diçka në lidhje me pranimin në Bashkimin Europian. Lista e gjatë e problemeve të pazgjidhura nga kjo qeveri nuk ka ndihmuar në diskutimet tona në Bruksel, por qëndrimi i PPE- së është dhe ka qenë shumë i qartë. Megjithëse ka shumë probleme, ne e konsiderojmë një gabim të madh historik mosnisjen e bisedimeve me Maqedoninë e Veriut dhe Shqipërinë. Bashkimi Europian nuk është i plotësuar pa Ballkanin Perëndimor dhe pa Shqipërinë", tha Kremer. Ai garantoi mbështetje për programin ekonomik të PD- së. "PPE mbështet plotësisht propozimet PD- së për të zhvilluar ekonominë, për të krijuar vende pune dhe për të sjellë prosperitet ekonomik", deklaroi ndër të tjera zv. sekretari i PPE- së.