PIKAT E DRAFTIT TE TRETE TE EKSPERTEVE ZGJEDHORE
Në rastet e votimit elektronik, sistemet ose pajisjet e teknologjisë së informacionit formatohen në mënyrë të tillë që të lehtësojnë shprehjen qartësisht të vullnetit nga ana e zgjedhësit, të pengojnë nxjerrjen e pavlefshme të votës, si dhe të lexojnë saktësisht votën.
Në rastet e numërimit manual të votave, kur kontestohet vlerësimi i bërë nga zyrtari zgjedhor i numërimit, votat e kontestuara rivlerësohen nga NJAZ- i dhe përfshihen në rezultat. Votat e rivlerësuara nga NJAZ- i shënjohen, me qëllim që të bëjnë të mundur rivlerësimin dhe, eventualisht, korrigjimin e rezultatit përgjatë procedurës ankimore.
Në rastet e votimit elektronik, rezultati i zgjedhjeve në nivelin e qendrës së votimit nxirret nga sistemi ose pajisjet elektronike të përdorura për votimin, menjëherë pas mbylljes së procesit të votimit, si printim nga pajisja.
Në rastin kur bëhet numërimi manual ose kur sistemet dhe pajisjet e teknologjisë së informacionit që përdoren në zgjedhje, kryejnë vetëm numërimin elektronik, vlerësimi dhe numërimi i votave kryhet nga NjAN- i. Vlerësimi dhe numërimi nga NjAN- i kryhet si proces i pandërprerë.
Zgjedhja e Komisionerit, Rregullatorit dhe KAS ( Ky nen duhet të punohet pasi Komisioni i Reformës Zgjedhore të diskutojë formulën e kompozimit të parë të KQZ- së, pas hyrjes në fuqi të ligjit).
Kolegji Zgjedhor përbëhet nga tetë gjyqtarë të përzgjedhur me short nga Këshilli i Lartë Gjyqësor. = Në rastet kur KQZ- ja vendos përdorimin e pajisjeve të teknologjisë së informacionit në procesin e votimit dhe/ ose të numërimit të votave, shpërndarja dhe instalimi i pajisjeve kryhet nga KQZ- ja sipas të njëjtës procedurë që ndiqet për shpërndarjen e materialit zgjedhor.