Nga hetues në 1987 te drejtues i SPAK- ut, kush është Arben Kraja
Kreu i Prokurorisë së Posaçme kundër Korrupsionit dhe Krimit të Organizuar, Arben Kraja, e ka nisur karrierën e tij në dhjetor të vitit 1987, si hetues në Shkodër. Këtë detyrë e ka mbajtur deri në 1992- shin, ku më pas karriera e tij vijoi me rritje në detyrë dhe gati tri dekada më pas është emëruar në krye të SPAK- ut. Kështu, sipas informacioneve të OpenData, Kraja nga prilli i vitit 1992 deri në shkurt 1993 ka qenë jurist në Policinë Financiare në Shkodër. Në muajin mars 1993janar 1995, Kraja emërohet hetues në Prokurorinë e Përgjithshme, për të vijuar më pas nga shkurt 1995- shtator 1997 si prokuror te Prokuroria e Përgjithshme. Në shtator të vitit 1997, Arben Kraja shkëputet nga Prokuroria e Përgjithshme, për të vazhduan detyrën e tij si zëvendëskryetar i parë i KLSH- së, detyrë që e mbajti deri në vitin 2000. Në muajin mars të vitit 2000 deri në muajin maj të vitit 2002, Kraja mbajti postin e drejtuesit të Këshillit të Ministrave në Republikën e Shqipërisë. Pas këtij posti, kreu i SPAK- ut në vitin 2002 kthehet në Prokurorinë e Përgjithshme si prokuror në Drejtorinë e Hetimit dhe Kontrollit deri në vitin 2007. Më pas, nga shtatori i 2007- ës, Kraja emërohet drejtues i Sektorit Kundër
Krimit Ekonomik dhe Korrupsionit në Prokurorinë e Përgjithshme. Kjo detyrë mbahet nga Kraja deri në tetor të vitit 2013, për t'u emëruar më pas prokuror në Prokurorinë e Përgjithshme. Këtë detyrë e mbajti deri në dhjetor të këtij viti. Ndërkohë, theksojmë që Arben Kraja nga muaji shtator 2004- janar 2015 ka qenë i komanduar si drejtues i Seksionit Kundër Korrupsionit dhe Hetimit të Aseteve Kriminale, në Prokurorinë pranë Gjykatës së Shkallës së Parë për Krime të Rënda, Tiranë. Arben Kraja ka pasur në dorë çështje të bujshme si ajo e hetimit të Lulzim Bashës për aferën e rrugës Durrës- Kukës.