Gastriti, flet dietologia: Ja çfarë duhet të konsumoni për lehtësimin e dhimbjes
TTrajtimi i gastritit në kushte shtëpie nuk është një mision i pamundur. Ndryshimet dietike dhe mënyra e jetesës mund të ndihmojnë në lehtësimin e dhimbjes. Dietologia Enkeleida Ferrollari rekomandon konsumimin e vakteve disa herë në ditë, por në porcione të vogla, shmangien e ushqimeve pikante dhe të konservuara, menaxhimin e stresit dhe moskonsumimin e alkoolit. "Është shumë e rëndësishme ngrënia ngadalë dhe përtypja e mirë, çka ndihmon stomakun për të realizuar procesin e tretjes së ushqimit. Nuk duhet të konsumojmë alkool, sidomos kur nuk e shoqërojmë me ushqim. Duhet të kufizojmë sasinë e yndyrave shtazore, gjalpin, dhjamin etj. dhe t'i zëvendësojmë me yndyra bimore ( vaj ulliri dhe të farave bimore), qoftë në gatim, qoftë në sallata të ndryshme. Duhet të jemi të kujdesshëm me mënyrën e gatimit të produkteve ushqimore të eliminojmë ushqimet e skuqura me yndyrë dhe të parapëlqejmë zierjen në avull dhe pjekjen me pak yndyrë", vë në dukje dietologia.
Gastriti është një dëmtim i mukozës së stomakut. Disa nga faktorët që shkaktojnë gastritin janë konsumimi i alkoolit, duhanit, disa lloje medikamentesh si dhe regjimi i gabuar ushqimor.
Për të përmirësuar dhe shmangur simptomat e gastritit, një rëndësi të veçantë ka edhe ushqimi. Edhe pse ushqimi për problemet e gastritit nuk përmban kufizime të mëdha, duhet të jemi të kujdesshëm dhe të kontrollojmë regjimin ushqimor në mënyrë që të kurojmë dhe lehtësojmë simptomat e shfaqjes së gastritit.
Së pari, duhet të ndjekim një regjim të rregullt ushqimor me vakte të vogla, të shpeshta dhe të respektojmë oraret e ngrënies së vakteve, duke mos ndenjur shumë kohë pa ngrënë dhe pastaj ngrënia e një sasie të madhe ushqimi, duke bërë të vështirë procesin e tretjes.
Së dyti, është shumë e rëndësishme ngrënia ngadalë dhe përtypja e mirë, çka ndihmon stomakun për të realizuar procesin e tretjes së ushqimit.
Nuk duhet të konsumojmë alkool, sidomos kur nuk e shoqërojmë me ushqim.
Duhet të kufizojmë sasinë e yndyrave shtazore, gjalpin, dhjamin etj. dhe t'i zëvendësojmë me yndyra bimore ( vaj ulliri dhe të farave bimore), qoftë në gatim, qoftë në sallata të ndryshme.
Duhet të jemi të kujdesshëm me mënyrën e gatimit të produkteve ushqimore, të eliminojmë ushqimet e skuqura me yndyrë dhe të parapëlqejmë zierjen në avull dhe pjekjen me pak yndyrë.
Të shmangim produktet e konservuara dhe të parapëlqejmë ato të freskëta dhe gatimet jo shumë të pasura me yndyra, erëza dhe kripë. Të kufizojmë konsumin e djathërave të staxhionuar, sallameve etj.
Të përzgjedhim drithëra të papërpunuara dhe të pasura me fibra, të cilat ndihmojnë tretjen dhe lehtësojnë punën e stomakut.
Të kufizojmë sasinë e përdorimit të mishit dhe kryesisht të atij me dhjamë, 1- 2 herë në javë. Të përzgjedhim peshkun, pulën.
Duhet të kufizojmë përdorimin e erëzave dhe kryesisht ato pikantet, piperin, specin djegës etj.
Të kufizohet konsumi i kafes, çajeve dhe të gjitha pijeve që përmbajnë kafeinë, gjithashtu duhet të eliminojmë pijet e gatshme me sheqer e me gaz.
Të kufizojmë sasinë e përdorimit të mishit dhe kryesisht të atij me dhjamë, 1- 2 herë në javë. Të përzgjedhim peshkun, pulën. Duhet të kufizojmë përdorimin e erëzave dhe kryesisht ato pikantet, piperin, specin djegës etj.