Kosova pa qeveri, Kurti: Datën e ka në dorë LDK
Përgjigjet Mustafa: Datat i cakton subjekti që del i pari në zgjedhje, ne mund të jemi edhe opozitë
Dy anëtarët e mundshëm të “Koalicionit të Shpresës” për Kosovën, Albin Kurti i Vetëvendosjes dhe Isa Mustafa i LDK- së, po fajësojnë njëri- tjetrin se kush po vonon formimin e qeverisë, e cila duhet të ishte krijuar një muaj më parë.
Pas negociatave të gjata, dy forcat politike, të cilat premtuan që përpara zgjedhjeve se do ta formonin bashkë qeverinë, nuk kanë mundur të gjejnë marrëveshje për mënyrën se si do ta ndajnë pushtetin. Të dyja flasin për “çështje besimi”, duke akuzuar njëra- tjetrën se devijon nga bisedimet paraprake. Albin Kurti ka konfirmuar se këtë vit nuk do të ketë qeveri të re. Ai tha se në janar do të ndodhë pajtimi me LDKnë për të ndarë pozitat shtetërore. Lideri i VV- së ka thënë se partia e Isa Mustafës refuzoi pozitën e Kryetarit të Kuvendit, të cilën e mori nënkryetari i Vetëvendosjes, Glauk Konjufca. “Në janar kemi përpara arritjen e marrëveshjes me LDK- në”, tha Kurti, pas mbledhjes së Këshillit të Përgjithshëm të Vetëvendosjes. “80 ditë nuk mjaftuan për ta arritur marrëveshjen që kërkohej, sepse kishte kërkesa përtej mandatit. Ne kemi marrë mesazh të qartë në zgjedhje, që opozita e djeshme të jetë pozita e ardhshme. Ne si lëvizje jemi munduar të reflektojmë në këtë mesazh. Ne kemi ofruar njërin nga dy postet që qytetarët na ofruan. E ofruam pozitën e kryeparlamentarit, por ajo u refuzua”, ka shtuar ai. Sipas Kurtit, nuk duhet humbur më shumë kohë për të formuar qeverinë dhe në bisedime me LDK- në po mbrojnë vullnetin e popullit. “Pres që pas konstituimit të Kuvendit, të fokusohemi në bërjen e koalicionit qeverisës, sepse pengesat e panevojshme nuk i duam. Ne nuk do të ishim VV, nëse nuk punojmë e kërkojmë ashtu siç duan qytetarët. Kohë për të humbur nuk kemi, sepse s’kemi ekonomi të zhvilluar, nuk kemi shërbime të mira shëndetësore dhe pothuajse të gjithë sektorëve iu duhet ndërhyrje”, tha ai. Më tej, Kurti akuzoi LDK- në se data e formimit të qeverisë ka mbetur në dorën e saj. “Partia e Isa Mustafës e përcakton se kur do të formohet qeveria e re e jo Presidenti i Republikës”, tha Kurti duke sqaruar se takimi me Hashim Thaçin do të ndodhë, por data e formimit të qeverisë do rëveshjes të përcaktohet mes LDK- së pas e VV- mar- së. “Pra, Presidenti i Republikës përcakton datën e konstitutimit të Kuvendit e jo të formimit të qeverisë. Formimin e qeverisë e përcakton tjetër kush. Mua datën për formimin e qeverisë ma përcakton Lidhja Demokratike e Kosovës, jo Presidenti i Republikës”, tha ai. “Duhet të takohemi dhe të bisedojmë. Edhe ne duam marrëveshje, edhe populli do marrëveshje”, tha Kurti. Por kryetari i LDK- së, Isa Mustafa, ka thënë se partia e tij nuk cakton datën e formimit të qeverisë dhe se është obligim i
Vetëvendosjes të marrë mandatin dhe të mos vonohet në krijimin e institucioneve të reja. “LDK nuk cakton data. Datat i cakton subjekti që del i pari në zgjedhje, ai që e merr mandatin për formimin e Qeverisë. Por, LDK- ja insiston që sa më parë të kemi formim të institucioneve dhe kjo nuk do të thotë se LDK- ja domosdoshmërisht do të bëhet pjesë e qeverisë”, ka shkruar Mustafa në një reagim. Po ashtu, ai shtoi se Vetëvendosje nuk e ka konsultuar fare LDK- në kur ka propozuar Glauk Konjufcën për kryeparlamentar.