Viktima: Larg njerëzve të këqij, mashtrues e të pabesë
Një biznesmen 47 vjeç është ekzekutuar me snajper dje në qendër të qytetit të Rrëshenit.
Viktima është shtetasi Kastriot Reçi, i cili është qëlluar teksa po dilte nga lokali në pronësi të tij, në qendër të qytetit. Sipas burimeve, 47vjeçari, i cili ishte pronar i një media lokale dhe kishte një rrjet kabllori në Lezhë, ka gjetur vdekjen e menjëhershme si pasojë e një plumbi të marrë në zemër. Në vendin e ngjarjes ka pasur qytetarë të shumtë në momentin kur ka ndodhur vrasja. Ata nuk kanë dëgjuar të shtëna, por vetëm kanë parë që 47- vjeçari është shtrirë në tokë. Qytetarët kanë tentuar t’i japin ndihmën e parë, por duke e dërguar në spital të pajetë. Ndërkohë, burime të policisë thanë se viktima u qëllua nga tarraca e një pallati në distancë rreth 150 metra nga vendi ku ndodhej 47- vjeçari. Më pas ekzekutori e ka lenë snajperin në tarracën e pallatit dhe është larguar. Autori u largua me vrap në këmbë dhe ishte i maskuar. Mësohet se ai është kapur nga një kamera sigurie që është sekuestruar nga policia por identifikimi është i vështire për shkak së mban në kokë një maskë.
ARMA Kastriot Reçi u qëllua vetëm me një plumb në zemër, duke humbur jetën menjëherë. Paraditen e djeshme, 47- vjeçari kishte dalë nga banesa duke shkuar në lokalin e tij që ndodhej në qendër të qytetit. Pasi ka konsumuar një kafe me njerëz të njohur të tij, ai ka dalë për të shkuar në makinën e parkuar përballë lokalit. Kur sapo ka dalë nga dera e lokalit, ndaj tij është qëlluar duke e lënë të vdekur në vend. Policia nisi kontrollet rreth zonës ku ndodhi ngjarja, ndërsa në tarracën e një pallati gjeti një armë të vendosur në snajper. Snajperi është sekuestruar në cilësinë e provave materiale, pasi mendohet se pikërisht me këtë armë është vrarë 47- vjeçari Reçi, kjo duke iu referuar dhe dinamikës së ngjarjes. Sipas burimeve nga uniformat blu, autorët dyshohet se e kanë ruajtur viktimën prej disa kohësh për ta ekzekutuar dhe nga tërësia e veprimeve hetimore bëhet e ditur se vrasja është kryer nga vrasës profesionistë, që mund të jenë të paguar për ta kryer këtë krim. Ata kanë vepruar në qetësi, pasi veprimet e tyre nuk kanë rënë në sytë e askujt. SHOQËROHEN DISA
PERSONA Në lidhje me ngjarjen, Policia ka shoqëruar disa persona, mes të cilëve dhe familjarë të Reçit, të cilët u morën në pyetje. Po ashtu, janë sekuestruar edhe kamerat e sigurisë të disa bizneseve pranë vendit të ngjarjes, të cilat do të analizohen nga grupi hetimor. Për zbardhjen e kësaj ngjarjeje është ngritur grupi i posaçëm hetimor, me specialistë nga De
Në një postim të fundit në “Facebook”, të bërë më datë 1 janar, Kastriot Reçi ka ndarë një urim për Vitin e Ri, ku jepte edhe një mesazh. “Qëndroni sa më larg njerëzve të këqij, mashtrues dhe të pabesë”, shkruan 47- vjeçari. Ai ishte i martuar dhe baba i një fëmije të mitur. Që prej vrasjes së vëllait në Itali, ai i kishte kufizuar lëvizjet dhe më së shumti qëndronte vetëm në qytetin e Rrëshenit, aty ku edhe kishte banesën. Kastriot Reçi u ekzekutua gjatë mesditës së djeshme me armë zjarri në Rrëshen. 47- vjeçarit iu ekzekutua edhe vëllai i tij, Gaspër Reçi, dy vite më parë në Romë. Të dy vëllezërit kishin fëmijë. Policia dyshon se ekzekutimet kanë të bëjnë me një mori vrasjesh që kanë ndodhur brenda dhe jashtë vendit gjatë viteve të fundit. Gaspër Reçi u ekzekutua me katër plumba në Tor Vergata të Romës. partamenti i Policisë Kriminale, DVP Lezhë dhe Komisariati i Policisë Mirditë, nën drejtimin e Prokurorisë dhe vijon puna për grumbullimin dhe administrimin e çdo prove sado të vlefshme që do t’i shërbejë hetimit.
HETIMET Pista kryesore e hetimit është përqendruar te hakmarrja, pasi ka dyshime që Kastriot Reçi mund të ketë qenë i përfshire në një vrasje të ndodhur më 9 shtator të vitit 2017, ku u ekzekutua në Rrëshen Saimir Jaku, ish- drejtor i linjës së Tensionit të Lartë për Veriun në OSHEE. Ai u qëllua për vdekje me armë zjarri kallashnikov nga dy persona ende të paidentifikuar, teksa ishte duke pirë kafe në një nga lokalet më të frekuentuara të qytetit të Rrëshenit, ndërsa mbeti i plagosur edhe shoku i tij. Më 28 prill të 2017- ës u vra në Romë të Italisë, Gasper Reçi, 43 vjeç, pikërisht i vëllai i Kastriot Reçit. Sipas autoriteteve, dyshohet se vrasja e Gasper Reçit vinte si hakmarrje për ekzekutimin e Saimir Jakut. Nuk kaloi shumë dhe më 6 shtator 2017, në Belgjikë, u vra Kreshnik Gjini, nipi i Saimir Jakut. Dyshohet se ngjarja vinte sërish si hakmarrje për vrasjen e Gasper Reçit në Itali.