Kontrollet në kufi, bllokohen 70 mijë euro
Do transferoheshin në Greqi, 49- vjeçari s'i deklaroi
Dy persona janë proceduar penalisht gjatë ditës së djeshme në Pikën Kufitare të Kakavijës, për veprat penale të "Trafikimit të mjeteve motorike" dhe "Mosdeklarimit të të hollave dhe sendeve me vlerë në kufi". Policia Kufitare ka vijuar edhe dje zbatimin e masave për parandalimin dhe goditjen e paligjshmërisë, duke bllokuar një tjetër mjet luksoz, që dyshohet se ishte i vjedhur. Ndërsa janë sekuestruar edhe 70 900 euro, të cilat iu gjetën një shtetasi, që po tentonte t'i transferonte në mënyrë të paligjshme drejt Greqisë. Burime zyrtare të Policisë së Shtetit thanë dje se procedimi i dy të dyshuarve është kryer në vijim të zbatimit të detyrave të përcaktuara në planin e masave për shtimin e kontrolleve në pikat doganore, me qëllim parandalimin dhe goditjen e paligjshmërisë. Si rezultat i kontrolleve të imtësishme të kryera nga Policia Kufitare, në bashkëpunim me shërbimet doganore dhe Frontexin, në dalje të Republikës së Shqipërisë, është bërë bllokimi dhe sekuestrimi i automjetit të markës "Renault", me drejtues shtetasin shqiptar me inicialet E. X., 21 vjeç, lindur në Berat dhe banues në Greqi. Mjeti i këtij shtetasi rezultoi me ndërhyrje mekanike në numrin e shasisë.
Po në vijim të kontrolleve u kap shtetasi me inicialet V. G., 49 vjeç, lindur në Sarandë dhe banues në Greqi, të cilit gjatë kontrollit në automjet iu gjet një sasi prej 70 900 eurosh, të cilat i kishte fshehur në automjet, me qëllim shmangien e kontrollit. Në cilësinë e provës materiale u bllokuan 1 automjet dhe një sasi prej
MIJE euro të padeklaruara që po tentohej të transferoheshin drejt Greqisë në mënyrë të jashtëligjshme, u sekuestruan dje në Pikën e Kalimit Kufitar Kakavijë, ku gjithashtu u bllokua edhe një makinë, që dyshohet të jetë e vjedhur 70 900 eurosh. Veprimet e para hetimore për këto raste u kryen nga Drejtoria e Policisë Gjirokastër, për veprat penale "Trafikim i mjeteve motorike" dhe "Mosdeklarim i të hollave dhe sendeve me vlerë në kufi". Materialet në ngarkim të të dy shtetasve i kaluan Prokurorisë, për veprime të mëtejshme.