Pensionet, lista e dytë me emrat që marrin shtesën

Lista e dytë me emrat e përfituesve në Tiranë dhe rrethe

Janë 5770 pensionistë që kanë gati shtesën e re dhe që mund ta tërheqin atë pranë çdo pike pagese. Gazeta vijon edhe sot me publikimin e listës së përfituesve në Tiranë dhe rrethe. ISSH- ja ka bërë me dije se vijon puna për shqyrtimin e çdo kërkese të dorëzuar nga radhët e minatorëve, naftëtarëve dhe metalurgëve, që janë pjesë e skemës suplementare, pas miratimit të ndryshimeve ligjore. Nga hapja e aplikimeve, deri më tani mësohet se janë depozituar më shumë se 20 mijë kërkesa. Ligji parashikon rritje me 1 për qind për çdo vit pune në nëntokë për minatorët. Ndërsa për metalurgët dhe naftëtarët, shtesa është me 0.6 për qind për çdo vit kontributiv. Përveç rritjes, për këto tri kategori, qeveria ka ulur edhe pragun kontributiv që kërkohet për të përfituar pension të plotë, nga 37 vite që është aktualisht, në 30 vite.