Kokainë e heroinë me supercilësi, arrestohet shkodrani "kokë" e grupit

Policia italiane në Bari, në bashkëpunim me Policinë shqiptare, ka realizuar një megaoperacion gjatë paradites së djeshme kundër një organizate kriminale të trafikut ndërkombëtar të drogës. Policia shqiptare njoftoi se ka arrestuar shtetasin L. D., 50 vjeç, banues në Shkodër, duke e çuar në 22 persona numrin e të arrestuarve. Mësohet se organizata italo- shqiptare operonte në Puglia, Molise, Abruzzo, Campania dhe gjithashtu në Holandë, Angli, Gjermani dhe Shqipëri. Gjetja në Shqipëri e disa personave që ishin anëtarë të organizatës u zhvillua me bashkëpunimin e Departamentit të Policisë Kriminale dhe Zyrës së Interpolit të Policisë së Shtetit Shqiptar, në sinergji me Zyrën e Ekspertit për Sigurinë në Shqipëri dhe Divizionin III të Interpolit të Shërbimit të Bashkëpunimit Policor Ndërkombëtar. Hetimet e kryera nga Seksioni Antidrogë, në bashkëpunimin me Komisariatin e Tranit, u zhvilluan pas vrasjes së Francesco Ferrantes në Trani, në janar 2015. Zhvillimet e gjera hetimore kanë bërë të mundur të dokumentojnë se si dy organizata kriminale të lidhura me njëra- tjetrën vepruan në dy zona të dallueshme të Barit Verior, midis Cerignola dhe Foggia dhe tjetra midis Andria dhe Barletta. Të dyja këto organizata, ndonëse nuk ishin përfshirë në vrasjen e Ferrantes, por ishin pjesë e trafikimit ndërkombëtar të drogës. Për të menaxhuar importin e drogës nga Holanda, Gjermania dhe Shqipëria ishte një shtetas shqiptar, i cili përmes bashkatdhetarëve të tij me vendbanim në Europën Veriore, u siguroi organizatave kriminale që vepronin në territorin italian kokainë dhe heroinë të një cilësie shumë të pastër. Policia shqiptare njoftoi se i arrestuari i ditës së sotme ishte shtetasi L. D., 50 vjeç, banues në Shkodër. Gjithashtu arriti t'i siguronte marijuanë dhe hashash një rrjeti që zhvillohej në Holandë, Gjermani dhe Angli. Drogat kalonin kufirin pa u vënë re nga Policia Kufitare, pasi korrierët shfrytëzuan sistemet e fshehjes, siç janë fundet e dyfishta të instaluara në makina. Qyteti i Foggia- s përfaqësonte një qendër të vërtetë operative. Në fakt, në Dauno mbërritën sasi të mëdha droge, të cilat më pas u shpërndanë në vende të tjera si Cerignola, San Salvo, Pescara dhe Barletta. Më pas, ndërmjetësit e tjerë vazhdonin shitjen e tyre në rajone të tjera të Italisë. Gjatë hetimeve pati edhe disa konflikte me organizata të tjera kriminale që vepronin në zonën Foggiano- s, të cilat u bllokuan falë ndërhyrjes së Policisë. Pikërisht në Foggia, në mbrëmjen e 5 tetorit 2016, u arrestua një i dënuar kur hetuesit zbuluan se ky i fundit, i armatosur me një pistoletë gjysmëautomatike, po planifikonte përplasje me rivalët e tij. Kështu, Policia mundi të shmangte episode të përgjakshme. Hetimet çuan në 20 arrestime dhe sekuestrimin i mbi 440 kilogramëve lëndë narkotike midis kokainës, heroinës, hashashit dhe marijuanës.