KLSH padit në Gjykatë ish- kreun e ALUIZNI- t Tirana Jug “Janë kryer legalizime në kundërshtim me ligjin”
Kontrolli i Lartë i Shtetit ka kallëzuar në Prokurorinë e Tiranës ish- kreun e ALUIZNI- t ( sot Kadastra) Tirana Jug dhe ish- përgjegjësin e legalizimeve në këtë drejtori me akuzën e shpërdorimit të detyrës. “KLSH, duke i konsideruar të paligjshme veprimet e kryera nga drejtuesit dhe specialistët e ish- Drejtorisë Rajonale të Aluizni- t Tirana Jug, konkretisht për: I. SH., ish- Drejtor dhe A. A. e I. K., ish- përgjegjës legalizimi, për konsumim të elementeve të veprës penale të “Shpërdorimit të detyrës”, thuhet në raportin e KLSH. Kontrolli i ushtruar ka zgjatur për një periudhë gati dyvjeçare, nga 2016n deri më 31 tetor të 2018- s. Mungesë dokumentacioni, devijim nga procedurat të përcaktuara me ligj, legalizime pa respektuar distancat nga rrugët janë vetëm disa nga shkeljet e konstatuara.
PAGESA E TAKSËS Prej 2018- s, pagesa e taksës së ndikimit në infrastrukturë është parakusht për marrjen e lejes së legalizimit. Por KLSHja ka konstatuar se për të dhënë lejen, ALUIZNI nuk ka pritur konfirmimin për kryerjen e pagesës duke vepruar në këtë mënyrë në kundërshtim me ligjin. “Drejtoria Rajonale e ALUIZNI- t Tirana Jug në marrjen e vendimeve ‘ Për kualifikimin për legalizim të objektit informal’, ka vepruar në kundërshtim me ligjin. Në kualifikimin e objekteve informale, ka dërguar pranë Bashkisë Tiranë vetëm shkresën për llogaritjen e pagesës së taksës së ndikimit në infrastrukturë për 4221 objekte informale dhe pa marrë konfirmim mbi pagesën e saj për dalje me vendim kualifikimi për 4017 objekte informale, duke krijuar një mungesë të ardhurash ne buxhetin e shtetit në vlerën 161,317,255 lekë”.
KALIMI I PRONËSISË Po ashtu, për ato familje që kanë ndërtuar në tokë shtetërore dhe në tonë me pronarë, është proceduar me legalizimin e objektit, pa pritur që përfundonin praktikat e kalimit të pronësisë me vendim qeverie. “Janë lëshuar 4221 leje legalizimi për objektet informale të legalizuara, nga këto 2101 leje legalizimi ose rreth 50 % e tyre lejet e legalizimit janë lëshuar vetëm për objektin me shënimin në lejen e legalizimit “Kalimi i pronësisë për parcelën ndërtimore do miratohet me Vendim të Këshillit të Ministrave”.