Erdogan: Askush s’do mbetet i uritur apo në qiell të hapur
- Presidenti Recep Tayip Erdogan anuloi planet e tij në Stamboll, ku duhej të ishte ditën e djeshme, për të shkuar në vatrën e tërmetit, Elazig, aty ku punojnë ekipet e kërkimshpëtimit. Kreu i shtetit, ishte pjesë e ceremonisë së varrimit të dy prej viktimave të tërmetit, që e konsideroi një provë për Turqinë. “Po bëjmë gjithçka mundemi si shtet dhe do vazhdojmë ta bëjmë këtë. Përpjekjet tona në të gjitha vendet e shpëtimit, do të vazhdojnë”, tha Erdogan, duke siguruar se qendrat e rehabilitimit po sigurohen që askush të mos mbetet i uritur apo në qiell të hapur. Mbi 72 ndërtesa të larta janë shembur në dy provincat më të prekura nga tërmeti shkatërrimtar, Elazig dhe Malatya, sipas ministrit të Mjedisit, Murat Kurum. Qindra banorë kanë mbetur të pastrehë. Qendra e Menaxhimit të Fatkeqësive dhe Emergjencave bëri me dije se ekipe të shumta shpëtimi dhe dronë po përdoren për të vëzhguar lagjet e dëmtuara, me qëllim për të koordinuar përpjekjet e shpëtimit. “Shpresa jonë e madhe është që numri i viktimave të mos rritet”, u shpreh kryetari i Parlamentit, Mustafa Sentop.
Presidenti i vendit, Ilir Meta, ka shprehur ngushëllimet për gjithë familjarët, të cilët humbën njerëzit e tyre në tërmetin shkatërrues që goditi Turqinë, duke lënë pas viktima dhe dëme të shumta. Me një shënim në faqen e tij në “Facebook”, Meta shkruan se “Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik. Shumë i tronditur nga viktimat në njerëz, u shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoðan, duke u lutur që të mos ketë të tjera humbje jetësh. Të gjithë të lënduarve nga kjo fatkeqësi natyrore ju uroj shërim sa më të shpejtë. Në këto momente tepër të vështira, unë dhe populli shqiptar jemi në krah Turqisë mike!”, shkruan Meta. Kryetari i Kuvendit, Gramoz Ruçi, përmes një mesazhi, ka shprehur sot ngushëllime për familjet e viktimave nga tërmeti në Turqi, për popullin turk dhe Presidentin Recep Tayyip Erdoðan. Ruçi shprehu ngushëllime për popullin turk dhe për Presidentin Erdogan shpreh dhimbje dhe solidaritet. “Ngushëllojmë dhe ndajmë dhimbjen me popullin turk dhe familjet e viktimave. Mbështetje, kurajë e shërim të shpejtë të lënduarve. Mbështetje e solidaritet Presidentit Erdogan. Goditjet e natyrës përballohen bashkërisht”, shprehet Ruçi. Kryetari i opozitës, Lulzim Basha, shprehu ngushëllimet më të thella për viktimat e tërmetit në Turqi, i cili ka shkaktuar, deri tani, mbi 22 vikti