Skënderbeu djeg Flamurtari­n, paqe në Vllaznia- Laçi

Barazim pa gola në "Loro Boriçi", sot kulmon superndesh­ja e javës Kukësi- Partizani

Panorama (Albania) - - SPORT - TIRANE

Skënderbeu­n e nderon një vlonjat për të mundur Flamurtari­n në minutat e fundit të ndeshjes.

Në Shkodër, Vllaznia ndahet në barazim pa gola me Laçin. Sot, në 19: 00, kulmon superndesh­ja e javës mes Kukësit dhe Partizanit, e cila do të luhet në stadiumin e ri kombëtar "Air Albania Stadium". Tirana do të presë Luftëtarin në orën 16: 00 në "Selman Stërmasi" dhe Teuta do të presë në Durrës Bylisin, po në 16: 00.

SKËNDERBEU­FLAMURTARI

Ka mjaftuar një gol i Dejvi Bregut, që skuadra e drejtuar nga Ilir Daja të merrte 3 pikët e radhës në Superiore dhe shkon në kuotën e 27 pikëve, vetëm një më pak se Teuta, Partizani e Laçi. Me këtë realizim, Bregu shkon në kuotën e pesë golave personalë. Flamurtari, edhe pse bën një paraqitje të pranueshme dhe deridiku pozitive për vetë situatën aktuale, i mungojnë dukshëm cilësitë për të ndëshkuar kundërshta­rin dhe vijon të endet në fund të tabelës. Skënderbeu ka motivimin e duhur pas triumfit me Partizanin, ndërsa Flamurtari vijon të provojë të pamundurën në një kampionat me "një mijë e një" probleme. Ndeshja është e qetë dhe me shumë gabime në pasim, që e ulin ritmin. Tentativa e parë e Flamurtari­t do të jetë me Nebihun në të dhjetën minutë, por lehtë në duart e Moçkës. Në të 28- ën, Imami kroson bukur, por në qendër Krasniqi nuk e devijon dot dhe sfera shkon në të djathtë te Ndeki, i cili gjuan në pozicion të prirët. Sfera kalon të gjithë pasqyrën e portës dhe përfundon jashtë. Pjesa e parë mbyllet pa ndonjë rrezik në të dyja portat dhe me rrjetat e paprekura, 0- 0. Terreni rëndohet dhe e ul shumë ritmin, por korçarët tentojnë gjatë gjithë kohës që të krijojnë rrezik. Rastin e parë të rrezikshëm e kanë miqtë me Nebihun, por gjuajtja e tij me kokë shkon jashtë kuadratit. Më tej, në të ' 70- ën është Krasniqi që merr një pasim në zonë, rrotullohe­t bukur dhe gjuan, por i pafat sepse sfera përplaset në traversë. Në të ' 84- ën, sërish Krasniqi përballë

Moçkës, por këtë herë nuk e gjen saktë kuadratin me një devijim të lehtë. Kur ndeshja kronometro­n minutat e fundit, është sërish Skënderbeu që rrezikon me Gripshin nga e majta, që afrohet deri në hyrje të zonës në vijën fundore, pason Krasniqin fare pranë portës në qendër, i cili gjuan dhe gjen sërish traversën. Aty pranë është Bregu, që e shtyn drejt rrjetës dhe feston shumë, edhe pse është një ish në këtë takim dhe sapo ka ndëshkuar qytetin e tij të origjinës. Skënderbeu merr 6 pikë në start të 2020- ës, ndërsa Flamurtari duhet të kënaqet vetëm me grimca loje dhe paraqitjen dinjitoze të ekipit në fushë, pasi vendi i fundit me vetëm 6 barazime është tashmë një vulë që zgjat...

VLLAZNIA- LAÇI

Është mbyllur në barazim 0- 0 sfida mes Vllaznisë dhe

Laçit e vlefshme për javën e 19- të të Kategorisë Superiore. Një rezultat i drejtë, për në mënyra se si të dyja skuadra luajtën. Në pjesën e parë, loja ishte e vakët, duke prodhuar pak mundësi shënimi, ndërkohë që në fragmentin e dytë, si Vllaznia ashtu dhe Laçi, provuan ta fitonin takimin, por pa sukses. Nuk mungoi as tensioni për një penallti të pretenduar nga shkodranët.

Newspapers in Albanian

Newspapers from Albania

© PressReader. All rights reserved.