Bajamet, të mira për zemrën dhe sistemin nervor
Bajamet janë një burim i shumë lëndëve ushqyese që ndih mojnë në zhvillimin dhe shëndetin e trurit. Ato janë konsideruar prej kohësh një element ushqimor thelbësor për fëmijët. Bajamet përmbajnë gjithashtu dy përbërës vitalë të trurit, riboflavin dhe L- karnitinë, të cilat kanë treguar rritje të aktivitetit të trurit, duke ulur riskun e prekjen nga sëmundja e Alzheimerit. Studimet kanë treguar se disa bajame në dietë, si dhe vaj bajameje, janë të rëndësishme për shëndetin e përgjithshëm dhe funksionimin e sistemit nervor. Proteinat dhe kaliumi të përfshira në bajame janë të gjitha thelbësore në shëndetin e zemrës. Vitamina E është një antioksidant efektiv dhe gjithashtu zvogëlon rrezikun e sëmundjeve të zemrës, ndërsa prania e magnezit mund të ndihmojë në shmangien e sulmeve në zemër. Ato ndihmojnë në zvogëlimin e pranisë dhe ndikimit të proteinave C- reaktive, që shkakton inflamacion dëmtues të arterieve si edhe janë një burim i madh i acidit folik. Prandaj, bajamet ndihmojnë në reduktimin e nivelit të homocisteinës, që shkakton ndërtimin e pllakave yndyrore te arteriet. Kaliumi i pranishëm në bajame dhe nivelet e ulëta të natriumit ndihmojnë në kontrollin e presionit të gjakut. Ushqyesit e tjerë e mbajnë gjithashtu trupin të balancuar në aspektin e nevojave të tjera thelbësore, të cilat mund të parandalojnë çdo mangësi tjetër. Vitaminat dhe mineralet e ekuilibruara janë thelbësore për një mënyrë jetese të shëndetshme, por nëse elementet e caktuara neglizhohen, tërë trupi mund të preket, duke nxitur ankthin, stresin e përgjithshëm e të paevitueshëm si edhe rritjen e presionit të gjakut. Bajamet ndihmojnë për të reduktuar rritjen e niveleve të glukozës dhe insulinës pas ngrënies. Ato ndihmojnë në rregullimin e thithjes dhe përpunimit të glukozës, duke e bërë tërë procesin shumë më të mirë dhe të sigurt.