AKUZAT E BASHËS

Mungon fatura reale e dëmeve të vlerësuara të tërmetit

Mungon një vlerësim përfundimtar i objekteve të pabanueshme dhe të dëmtuara

Sot ka ende mijëra familje që kalojnë ditët e ftohta nëpër çadra, pa asnjë ndihmë nga shteti.

Sot qytetarët vazhdojnë të sorollaten nga njëra zyrë në tjetrën, për të marrë bonusin e qirasë.

Sot ka mijëra qytetarë, të cilët nuk kanë ku të fusin kokën dhe nga dëshpërimi janë futur në banesat e dëmtuara.

Sot, fëmijë e të moshuar janë në gjendje të rënduar shëndetësore për shkak të kushteve të vështira, në të cilat po mbijetojnë që prej dëmtimit të shtëpive.

Ende s'ka përgjigje për banorët se çfarë do bëhet me shtëpitë e tyre.

Ende sot nuk ka asnjë masë për të ndihmuar në ringritjen e biznesit në Durrës e në zona të tjera të dëmtuara nga tërmeti.

Shumë biznese po mbyllen e qindra qytetarë po mbeten pa punë.

Rënia ekonomike e Durrësit sjell rënie ekonomike të të gjithë vendit.