VASILI: RAMA E KTHEU VENDIN NË LAVATRIÇE TË PARAVE TË PISTA
Motra e Lulzim Berishës, që Policia e Shtetit vijon ta konsiderojë si drejtues të një grupi kriminal, reagoi dje në lidhje me formularin që "Operacioni Forca e Ligjit" i ka dërguar për të deklaruar pasurinë.
OFL përmes agjentes së saj komunikoi në një prononcim për mediat se i ka nisur Lulzim Berishës formularin për deklarimin e pasurisë, duke i lënë si afat 48 orë. Në një prononcim për "News 24", Luljeta Berisha, motra e Lulzim Berishës, shprehet se pasuritë e vëllait të saj janë të sekuestruara nga shteti. "Burgun e përjetshëm e ka hequr Gjykata e Lartë. Pasuritë e tij janë të sekuestruara dhe të kaluara në emër të shtetit, me vendim të Gjykatës së Krimeve të Rënda", deklaroi motra e Lulzim Berishës. Nga ana tjetër, ajo deklaroi se me një vendim të Gjykatës së Lartë, asaj i janë kthyer pasuritë që i ka pasur në emër të vet. "Unë kam vendimin e Gjykatës së Lartë, që më janë kthyer ato prona në emrin tim dhe kam edhe pafajësi po nga ajo Gjykatë për sa i përket akuzës për pastrim parash", u shpreh Luljeta Berisha.
AVOKATI
"Në adresë të shtetasit Lulzim Berisha nuk ka mbërritur asnjë kërkesë, e gjitha është një zhurmë mediatike". Ky është reagimi për "Balkanweb" nga mbrojtësi ligjor i Lulzim Berishës, të cilit, sot OFL tha se i ka lënë 48 orë afat për të deklaruar pasurinë. Avokati Detar Hysi u shpreh se klienti i tij, Lulzim
Nënkryetari i LSI- së, Petrit Vasili, reagoi dje përmes një statusi në rrjete sociale duke akuzuar Kryeministrin Rama se e urren Shqipërinë, duke e kthyer vendin në ' lavatriçen' e parave të pista. Sipas Vasilit, asnjë Kryeministër që e do vendin e tij nuk do të pranonte të kriminalizonte Parlamentin, pushtetin lokal dhe administratën shtetërore. "Duket qartë se urrejtja e tij është kaq e fortë, saqë e ndalon të bëjë edhe veprimet më të thjeshta, qofshin ato edhe në favor të tij dhe ruajtjes se imazhit të tij, që rrënohet përditë e në mënyrë të pandalshme. Asnjë Kryeministër që e do vendin e tij, nuk do pranonte kurrë që Shqipëria të merrte damkën e Kolumbisë së Europës dhe do të shkarkonte me kohë Saimir Tahirin e këdo tjetër në Polici e përqark saj që kjo të mos ndodhte kurrë", shkroi Vasili. Ai ka akuzuar më tej Kryeministrin Rama se po sillet egërsisht dhe armiqësisht me Kosovën, duke mbështetur copëtimin e kufijve të saj. Vasili ka theksuar se vendi kërkon një Kryeministër të ri, në mënyrë që të ndahet nga Esadizmi i Edi Ramës, një Kryeministër patriot që nuk e urren Shqipërinë. "Edi Rama dhe urrejtja ndaj Shqipërisë janë dy pjesë të së njëjtës gjëje. Shqipëria kërkon sot si kurrë më parë, së paku një Kryeministër që e do vendin e tij. Shqipëria kërkon sot që të ndahet njëherëë e mirë nga Esadizmi i Edi Ramës, që urrejtjen dhe shitjen e Shqipërisë e ka mënyrë të jetuari, menduari e vepruari", vijoi akuzat Vasili.
Berisha, nuk ka asnjë pronë në emër të tij, pasi i janë sekuestruar dhe janë vënë në pronësi të shtetit. "Prej ditës që ka dalë nga burgu, Lulzim Berisha ka në posedim të tij një bar- kafe me qira, të pajisur me numër NIPT- i dhe kryen rregullisht pagesat e taksave, si edhe një autobot që shpërndan naftën për anijet, gjithashtu konform ligjit", u shpreh Hysi. Ndërsa theksoi se prej ditës që ka fituar lirinë me kusht, Lulzim Berisha mban kontakte të rregullta me Shërbimin e Provës.
BIZNESET
Përveç një lokali bar- kafe me qira, që ndodhet në Lagjen Nr. 4 të qytetit të Durrësit, i cili deklarohet edhe nga avokati Detar Hysi, Lulzim Berisha është ortak edhe në një shoqëri aksionere bashkë me motrën e tij, të quajtur "Rajan 2007". Kjo shoqëri, sipas ekstraktit të QKB- së, ka si objekt të aktivitetit: Tregtim brenda dhe jashtë territorit të Republikës së Shqipërisë të hidrokarbureve, naftës, gazit, nënproduktet e tyre, vajra lubrifikantë, import- eksport dhe tregtim me shumicë të tyre, transport kombëtar e ndërkombëtar të tyre. Gjithashtu, import, eksport dhe tregti me pakicë dhe shumicë të pjesëve të këmbimit, mjeteve dhe teknologjisë për ushtrimin e veprimtarisë në fushën e hidrokarbureve, instalimin dhe shfrytëzimin e impianteve, reparteve, stacioneve, mjete të transportit të hidrokarbureve, depozita, cisterna, asistencë teknike. Ndërtimin dhe vënien në përdorim të depove hidrokarbure, rezervuarëve të linjave dhe pikave të shitjes së tyre etj. Veprimtari transporti të naftës bruto dhe gazit natyror. Rigjenerim i vajrave lubrifikante dhe ngritja e impianteve të trajtimit të tyre. Shoqëria do të kryejë çdo veprim me qëllim marrjen e lejeve, autorizimeve, licencave dhe miratimeve të nevojshme për realizimin e veprimtarisë së saj, për të cilat kërkohen këto dokumente administrative.