Ambasadorja e SHBA takon Bashën: Nxis palët të përfundojnë Kodin Zgjedhor
Kreu i PD: E garantova për angazhimin e plotë dhe serioz të PD në zbatimin e reformave dhe zgjidhjen e krizës politike
Një javë pasi mori detyrën si ambasadore e Shteteve të Bashkuara të Amerikës në Shqipëri, Yuri Kim u takua dje në selinë demokratike me kryetarin e opozitës, Lulzim Basha.
Takimi zgjati për rreth disa minuta, ndërsa ambasada e SHBA- së në Tiranë zbardhi disa detaje në lidhje me takimin. "Gjatë takimit të saj sot me kryetarin e Partisë Demokratike, Lulzim Basha, ambasadorja Kim nxiti të gjitha palët të qëndrojnë në tryezë dhe të përfundojnë një Kod Zgjedhor. Ambasadorja gjithashtu konfirmoi mbështetjen e Shteteve të Bashkuara për institucionet dhe praktikat demokratike në Shqipëri", shkruhej në postimin e ambasadës në "Facebook". Ndërkohë kryetari i PD- së, pasi përcolli ambasadoren Kim, ishte entuziast se në ditët në vijim do të ketë plot lajme. Pa dhënë shumë detaje se çfarë zhvillimesh pritet të ketë, kryedemokrati garantoi se gjithçka çfarë do të ndodhë do t'i shërbejë zgjidhjes së krizës politike. "Dita e zhvillimeve politike sot dhe atyre që do të vijnë do të jetë plot me lajme, me prioritete, me zhvillime. Për një gjë ju siguroj, se gjithçka që po bëhet, po bëhet për t'i shërbyer një qëllimi që shkon përtej Partisë Demokratike dhe opozitës: qëllimi për t'u dhënë shqiptarëve një rrugë shprese dhe dalje nga kriza. Kështu që, në këtë kuptim ndihem i inkurajuar nga takimet sot dhe do të vazhdoj t'ju mbaj të informuar", tha Basha në prononcimin për mediat. Përmes një postimi në rrjete sociale, numri një i PD- së shkroi se është zotuar para ambasadores së re amerikane se opozita e bashkuar do të angazhohet maksimalisht për zbatimin e reformave dhe zgjidhjen e krizës politike. "Kënaqësi e veçantë të mirëpres znj. Yuri Kim, ambasadoren e SHBAsë, aleatit dhe partnerit tonë strategjik. E urova ambasadoren Kim për detyrën e re dhe e sigurova atë për bashkëpunim të plotë të opozitës në përmbushjen e të gjitha angazhimeve të vendit tonë me SHBA- në. Ndava me të pikëpamjet për zhvillimet e fundit në Shqipëri dhe e garantova për angazhimin e plotë dhe serioz të PD- së në zbatimin e reformave dhe zgjidhjen e krizës politike. Shtetet e Bashkuara të Amerikës do të vazhdojnë të jenë në krah të popullit shqiptar, ashtu siç kanë bërë gjatë gjithë historisë së mar
Dy ditë më parë, ambasada e Shteteve të Bashkuara të Amerikës postoi një foto të ambasadores Kim me Presidentin Meta dhe kryeparlamentarin Ruçi, ku vlerësoi traditën e mikpritjes së Shqipërisë. "Jam e prekur nga pritja e ngrohtë që kam marrë në Shqipëri. Tani e kuptoj që legjenda për mikpritjen shqiptare është thjesht pohim i një fakti", u tha ambasadorja e Shteteve të Bashkuara, Yuri Kim, të ftuarve në pritjen që ajo organizoi në 30 janar për përfaqësues të komuniteteve politike, diplomatike, të biznesit, shoqërisë civile, medias, kulturës dhe bashkësive fetare.
rëdhënieve të shkëlqyera mes dy vendeve tona", shkroi kryedemokrati Basha në "Facebook". Pak ditë më parë, ambasadorja e Shteteve të Bashkuara të Amerikës u takua edhe me Kryeministrin Edi Rama. Pas takimit, ambasada sqaroi se bisedoi me Kryeministrin për prioritetet. "Të ndihmojë Shqipërinë për t'u bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët", shkroi ambasada e SHBA. Ndërkohë, vizita e ambasadores së SHBA- së në selinë blu shënon edhe një "thyerje akulli", pasi që prej aktit të opozitës së bashkuar për djegien e mandateve në bllok, në shkurt të vitit të kaluar, mund të themi se marrëdhëniet midis selisë blu dhe selive diplomatike në vendin tonë nuk kanë qenë në nivelet më të larta. Kujtojmë që SHBA ka qenë një nga vendet që e ka kundërshtuar daljen e opozitës nga sistemi dhe kanë sugjeruar "luftimin" me maxhorancën në Parlament. Por nga ana tjetër, opozita është e bindur se nëse ata nuk do të kishin marrë një vendim të tillë, ndërkombëtarët nuk do të mund të kuptonin asnjëherë situatën reale politike në vendin tonë.