Bizneset zëvendësojnë shqiptarët me aziatikë dhe afrikanë
Chandra Selli ka pak javë që ka lënë vendlindjen për të punuar si kameriere në Tiranë. Bashkëshorti i saj është zhvendosur në Itali, ndërsa pjesa tjetër e familjes vijon të jetojë në Sri Lanka. “Kam pak që kam ardhur në Tiranë dhe më pëlqen vërtet shumë. Njerëzit më flasin, më përshëndesin. Tani kam filluar punë si kameriere për pak kohë. Së shpejti do të punoj si sanitare në një familje. E lashë vendin tim sepse atje nuk munda dot të gjej një punë”, tha ajo për “Monitor Ekonomi”. Njësoj si Chandra, në Tiranë sapo ka mbërritur edhe Stanley Akoma nga Nigeria, i cili është në pritje të ditës së parë të punës në një kompani private security.