BANESA
të Bashkisë Lezhë, Kurbin dhe të Thumanës qëndruan në hotelet e Shëngjinit pas tërmetit. Numri i banesave me qira është shumë i kufizuar për shkak se pjesa më e madhe e pallateve janë dëmtuar nga tërmeti shkatërrues që preku vendin tonë u dëmtuan në qytetin e Lezhës nga tërmeti, nga të cilat 70 u konstatuan të pabanueshme nga autoritetet vendore. Banorët e këtyre banesave u strehuan në hotelet në zonën e Shëngjinit, por kanë filluar të largohen ditët e fundit
Situata më problematike paraqitet në zyrën e aplikimit online në qytetin e Laçit, ku është edhe fluksi më i lartë i kërkesave. Pavarësisht prezencës së Policisë Bashkiake, në këtë zyrë nuk mungojnë debatet deri në konfrontime mes njerëzve për radhën. Në Bashkinë e Kurbinit janë ngritur 4 zyra aplikimi online, 1 në qytetin e Laçit dhe të tjerat në Njësitë Administrative Mamurras, Milot dhe Fushë- Kuqe, ndërsa procesi duhet të përfundojë brenda muajit shkurt. Në lidhje me shqetësimet e qytetarëve kontaktuam edhe kryetaren e Bashkisë së Kurbinit, Majlinda Cara, por, për shkak të ngarkesës në punë, tha se e kishte të pamundur që të komunikonte. “NUK MË PRANOJNË DOKUMENTET” Problemet që hasen në zyrat e aplikimit online, të ngritura nga shteti për rindërtimin e banesave të prekura nga tërmeti, janë të shumta edhe te banorët e Kurbinit. Shumë prej tyre thonë se sorollaten nëpër zyra për të dërguar dokumentet nga dy herë, ndërsa shumë të tjerë thonë se specialistët nuk i verifikojnë shtëpinë nga dëmet që pësoi në tërmetin e 26 nëntorit. “Kam ardhur këtu për të aplikuar, por s’m’i pranuan dokumentet, sepse nuk kanë ardhur akoma për të parë shtëpinë, e cila më është dëmtuar nga tërmeti. Kam të gjithë dokumentacionin për banesën, por nuk e kuptoj pse nuk vijnë ta verifikojnë. Kam ngelur çdo ditë zyrave të bashkisë dhe s’më jep askush përgjigje për të më treguar se çfarë do bëhet me mua”, thotë shtetasi Fred Syziu nga Kurbini. Ndërsa 82- vjeçari Mark Mirashi nga qyteti i Kurbinit thotë se prej dy ditësh endet zyrave të aplikimit, por nuk ka mundur ende ta kryejë këtë proces. Mungesa e dokumentacionit të plotë thotë se është bërë pengesë për të. “Është e dyta herë që unë bëj letra. Kam ardhur këtu që dje, por s’kam mundur të aplikoj. Thonë ke mungesë dokumentacioni, se çfarë është kjo punë s’po e marr vesh. Po më sorollatin tash dy ditë. Siç e shikoni, unë jam edhe i moshuar dhe nuk kam moshë të sillem kështu dhe s’e di kur do kryej punë, pasi është radha shumë e gjatë”, thotë i moshuari. Ndërkohë, kujtojmë që pak ditë më parë, banorët e Kurbinit janë larguar nga hotelet, ku qëndruan të strehuar pas tërmeti të 26 nëntorit. Këtë vendim ua kanë komunikuar banorëve të strehuar në Shëngjin përfaqësuesit e bashkisë. Kjo kërkesë i ka irrituar banorët, shumë prej të cilëve janë shprehur se ende nuk e kanë përfituar bonusin e qirasë. “Unë kam jetuar në pallat, në lagjen numër 2. Tërmeti i ka dëmtuar dhe e kanë shpallur të pabanueshëm dhe na sollën këtu në Shëngjin. Jam bashkë me familjen këtu. Kanë ardhur përfaqësuesit e bashkisë dhe na thanë të lirojmë hotelet deri më datë 31 janar, të gjithëve pa përjashtim. Unë kam aplikuar për bonus qiraje, por akoma s’më kanë kaluar paratë. Se ku do shkoj nuk e di”, ka thënë një banor i strehuar në hotelet në Shëngjin.