Shumica e KPA- së e konsideroi rastin të veçantë
Kujtojmë se Komisioni i Pavarur i Kualifikimit, pasi hetoi Xhaferllarin në kuadër të vetingut, mbylli procesin pa një vendim përfundimtar, duke konstatuar se kishte humbur statusin e magjistrates e nuk ishte më subjekt rivlerësimi. Sipas ish- kryeinspektores, vendimi i Komisionit nuk ishte i drejtë dhe se ajo vazhdonte të ishte magjistrate. Marsida Xhaferllari kërkoi në Shkallën e Dytë të Vetingut, KPA, që të prishet vendimi i Komisionit dhe të vazhdojë procesi i rivlerësimit duke e konfirmuar atë në detyrë. Megjithatë, dy ditë pasi ishte betuar në Presidencë si gjyqtare e Kush
Në vendimin e zbardhur, shumica në Kolegjin e Posaçëm të Apelimit, argumenton se ligji nuk ka parashikuar zgjidhje për raste të tilla, por duke iu referuar një vendimi të mëparshëm, kur Komisioneri Publik ka hequr dorë nga ankimi, KPA vlerëson të zgjidhë situatën në të njëjtën mënyrë. "Në dispozitat e veçanta të ligjit nr. 84/ 2016 nuk gjenden rregullime të posaçme për t'i dhënë zgjidhje një situate si kjo e rastit objekt shqyrtimi", shkruhet në vendim. Në këto kushte, Kolegji vlerëson se duhen respektuar parashikimet e Kodit të Procedurës Civile, që "ankuesi është dhe mbetet titullari i vetëm i këtij mjeti procedural për të kundërshtuar vendimmarrjet e Komisionit në Kolegjin e Posaçëm të Apelimit". tetueses, ka dorëzuar në Kolegj një kërkesë për heqje dorë nga ankimi. Trupa gjykuese e Kolegjit, e përbërë nga 5 gjyqtarë, është ndarë 3 me 2 në vendimin e dhënë. Shumica ka argumentuar se e drejta e heqjes dorë nga një ankim ishte në dorë të kërkuesit dhe sipas Kodit Civil, çështja në këto raste pushohej. Nga ana tjetër, dy anëtarët e tjerë argumentuan se kjo duhej parë si dorëheqje ku duhet të aplikohej neni G i Aneksit të Kushtetutës, pra, përjashtimi i subjektit 15 vite nga e drejta për të qenë në sistem.
HEQJA DORË
Në kërkesën e bërë nga Marsida Xhaferllari, ku hiqte dorë nga ankimi i bërë, ajo argumentonte se, në pritje të shqyrtimit të ankimit nga Kolegji, një organ tjetër kushtetues, Këshilli i Emërimeve në Drejtësi, ka kryer ndaj saj një proces kontrolli për tre komponentë, atë të pasurisë, të figurës dhe të profesionalizimit, për shkak të kandidimit për pozicionin e gjyqtarit në Gjykatën Kushtetuese dhe të
Inspektorit të Lartë të Drejtësisë, pozicion për të cilin ajo kishte aplikuar gjithashtu. "Në përfundim të këtij procesi, Këshilli i Emërimeve në Drejtësi, me vendimet e tij, përkatësisht nr. 110 dhe 111, datë 06.08.2019, ka vendosur lejimin e kandidimit të subjektit të rivlerësimit, znj. Marsida Xhaferllari, për këto dy pozicione, duke arsyetuar se ka një nivel të besueshëm në të tre komponentët e verifikuar. Në kërkesë, subjekti i rivlerësimit, znj. Marsida Xhaferllari, argumenton se, në këtë kontekst faktesh dhe ngjarjesh, tashmë i duket e pakuptimtë t'i qëndrojë ankimit, pasi konsiderohet se po kërkon nga organet shtetërore një rivlerësim të tretë të saj dhe se, për më tepër, statusi i saj profesional ndërkohë ka ndryshuar pasi, me dekretin e Presidentit të Republikës nr. 11350, datë 13.11.2019, ajo është emëruar në detyrën e gjyqtares së Gjykatës Kushtetuese, si dhe ka bërë betimin para Presidentit të Republikës më datë 14.11. 2019", ka argumentuar Xhaferllari, referuar vendimit të KPA.