Basha: Korrupsioni pengon investimet e huaja

“Potenciali ekonomik i Shqipërisë po shkatërrohet nga qeveria”

Kryetari i opozitës, Lulzim Basha, vlerësoi si realist konstatimet e Dhomës Amerikane të Tregtisë se korrupsioni është problemi kryesor që pengon investimet e huaja në Shqipëri. Basha reagoi në “Tëitter”, duke vënë në dukje pasojat e rënda të korrupsionit për të ardhmen e vendit. “Dhoma Amerikane e Tregtisë ka konstatuar ( pa asnjë surprizë) se korrupsioni është problemi kryesor që e lë pas Shqipërinë në fushën e investimeve të huaja. Është korrupsioni në nivelet më të larta, që në mënyrë të pafalshme po i vjedh të ardhmen vendit tonë”, shprehet zoti Basha. Kreu i opozitës bëri përgjegjëse qeverinë për pasojat e rënda të korrupsionit. “I njëjti institucion i respektuar vlerësoi po sot potencialin e jashtëzakonshëm të Shqipërisë për të thithur investime. Por ky potencial për zhvillim, po shkatërrohet nga një qeveri që në gjenezën e saj ka kapjen e shtetit dhe korrupsionin”. Shqipëria renditet e fundit në rajon për nga konkurueshmëria rajonale. Raportet e fundit ndërkombëtare vazhdojnë vlerësimin negativ dhe me ulje për Shqipërinë, duke vënë në dukje paaftësinë e qeverisë për të krijuar klimën e duhur për të bërë biznes dhe për të hapur vende të reja pune. Ndërkohë, pak kohë më parë, kryedemokrati dhe ish- deputetët e PD- së ndërmorën një tur dëgjese me fermerët dhe bizneset, për të dëgjuar shqetësimet e tyre në lidhje me situatën ekonomike. Ndërkohë, prezantoi planin e tij për rimëkëmbjen e ekonomisë së bazuar në 5 pika. Së pari, do të konsiderohet biznes i vogël çdo biznes me xhiro vjetore nën 14 milionë lekë të reja në vit. Që do të thotë nën 140 milionë të vjetra në vit të gjitha do të konsiderohen biznes i vogël dhe do të përjashtohen nga detyrimi absurd i TVSH- së. Së dyti, eliminimi i të gjitha tarifave lokale dhe qendrore, kryesisht lokale dhe përqendrimi i tyre në një taksë të vetme prej 0.5% e xhiros vjetore. Një taksë 0.5% e xhiros vjetore për biznesin e vogël. Së treti, ngjitja e pullës fiskale në hyrje të biznesit të vogël. Së katërti, do të ulet çmimi i karburantit dhe energjisë elektrike.