Pakti, studentët e “Luarasit” praktikë pranë “Balfin Group”
Rektori Ruka: Marrëveshja, mundësi e mirë për studentët
Studentët e Universitetit “Luarasi” do të kenë mundësi intershipi pranë “Grupit Balfin”. Universiteti “Luarasi” ka nënshkruar dje marrëveshjen, duke i hapur rrugë bashkëpunimit me grupin më të madh të investimeve.
RUKA Ndërsa e cilësoi këtë pakt një oportunitet për të rinjtë që ia kanë besuar studimet “Luarasit”, rektori i këtij universiteti, prof. dr. Ethem Ruka, theksoi se studentët kanë nevojë për modele të suksesshme për t’u motivuar. Ai e shikon marrëveshjen me “Balfin Group” si një marrëdhënie simbiotike për përgatitjen e gjeneratave të profesionistëve. “Ne e quajmë një oportunitet dhe një shans lidhjen e kësaj marrëveshjeje me ‘ Grupin Balfin’. Studentët tanë kanë nevojë për modele, kanë nevojë të motivohen. Le ta shohim këtë si një marrëdhënie simbiotike për të përgatitur më tej një gjeneratë profesionistësh brenda kushteve dhe mundësive që kemi”.
MUKA Gjatë takimit me stafin akademik të “Luarasit”, administratorja e përgjithshme, Edlira Muka, si dhe drejtori i Burimeve Njerëzore në “Balfin”, Elvin Nosi, diskutuan mbi fushat ku mund të shtrijnë bashkëpunimin. Gjatë fjalës së saj, administratorja e përgjithshme e “Balfin”, Edlira Muka, tha se ky grup është një mundësi shumë e mirë për studentët, të cilët do të formësohen më së miri duke kombinuar teorinë me praktikën. Ajo më tej u shpreh tejet e kënaqur për bashkëpunimin me “Luarasin” dhe vlerësoi cilësinë e mësimdhënies në këtë universitet. “‘ Grupi Balfin” është një mundësi shumë e mirë që brezat e rinj, studentët që dalin në tregun e kohës, të cilët gjatë kohës që janë duke plotësuar njohuritë e tyre akademike, të kenë mundësi t’i zbatojnë ato në praktikë. E ardhmja janë studentët dhe çfarë e dallon ‘ Balfin’ në tregun e punës, është pikërisht mundësia që krijon që njerëzit të zhvillohen brenda strukturave tona. Ne vlerësojmë që Universiteti ‘ Luarasi’ ka student’ cilësor’, të cilët jo vetëm do të kenë mundësi të kompletojnë njohuritë e tyre, por do të kenë mundësi edhe të bashkëpunojnë me ‘ Grupin Balfin’”. Ndërkohë, drejtori i Burimeve Njerëzore në ‘ Balfin’, Elvin Nosi, tha se nëpërmjet intershipeve të tilla do të mund të identifikojnë studentët e talentuar.
PAKTI Marrëveshja bën të mundur që studentët e 3 fakulteteve të kenë mundësi intershipi pranë “Grupit Balfin” për të praktikuar njohuritë e marra në auditorë. Universiteti “Luarasi” i kushton një rëndësi të veçantë bashkëpunimit me partnerë prest igj iozë, duke sjellë për studentët mundësi e perspektiva të reja për të ardhmen profesionale.