Çmimet “Oscar” 2020, “Parasite” hyn në histori. Ja lista me fituesit
Bong Joon- ho falënderon “kundërshtarët”: “Jam rritur me Scorsese, Quentin mbetet i papërsëritshëm, filmat e mi i ka të preferuar
“Është e pabesueshme se si “Oscar” ka ndryshuar që prej fillimeve, në vitin 1929 nuk kishte kandidatë me ngjyrë e në vitin 2020 na paska një”, ish- prezantuesit e mbrëmjes së madhe, Steve Martin e Chris Rock e nisën ceremoninë duke u përpjekur të bëjnë humor e duke ironizuar.
Surpriza e mbrëmjes pa dyshim që mbetet “Parasite”, filmi i Bong Joon- ho, që ka hyrë në histori, duke rrëmbyer çmimet më me peshë: atë për “Filmin më të mirë”, për “Filmin Ndërkombëtar më të mirë”, për “Regjinë më të mirë” dhe për “Skenografinë më të mirë origjinale”. Përjashtuar “The artist”, që ishte një film pa zë, “Parasite” është i pari film në historinë e çmimeve “Oscar”, të cilit i atribuohet statuja për “Filmin më të mirë në mënyrë absolute”, një çmim që deri në vitin 2019 ishte një eksluzivitet i filmave në gjuhën angleze. “Nuk do ta kishim imagjinuar kurrë, e gjitha kjo po ndodh në këto momente kyçe të historisë” shprehen producentët koreano- jugorë të filmit ndërsa qëndrojnë në qendër të “Dolby Theatre”, ende të befasuar se si një film oriental është pranuar në tempullin më të shenjtë të Hollywood- it. Një triumf që përsëritet me “Oscar” për Bong Joon- ho si “Regjisori më i mirë”, që në fjalimin e tij falënderon “kundërshtarët”: “Jam rritur me filmat e Martin Scorsese, ndërsa Quentin Tarantino mbetet i papërsëritshëm për faktin se vendoste filmat e mi në listën e të preferuarve të tij. Ndërsa çmimi për “Skenografinë më të mirë”, që gjithashtu shkoi për “Parasite”, që prej vitit 1966 nuk i jepej një filmi të huaj.
Mund të thuhet se filmi “1917” i Sam Mendes, që për një pjesë të madhe të publikut ishte i preferuari që prej fillimeve, doli “i mundur” nga mbrëmja e madhe. Filmit dedikuar aventurës së dy korporatave të ushtrisë angleze përgjatë Luftës së Parë Botërore, e që mendohej se mund të kishte vlerë në “Oscar”, iu dhanë vetëm tri çmime teknike: “Fotografia më e mirë”, “Efektet më të mira speciale” dhe “Miksimi më i mirë i tingujve”.
Ndërsa “The Irishman” i Martin Scorsese, që rrëmbeu një duartrokitje të stërgjatur në “Dolby Theatre” ndërsa u përmend në falënderimet e Bong Joon- ho, u kthye në shtëpi “duar bosh”.
Për sa i përket frontit të aktorëve, gjithçka shkoi ashtu siç ishte parashikuar. Joaquin Phoenix dhe Renée Zellëeger fitojnë si “Aktorët më të mirë protagonistë” respektivisht për “Joker” dhe “Judy”, ndërsa Brad Pitt dhe Laura Dern marrin çmimin e parë “Oscar” për filmin “Na ishte një herë në Hollywood” dhe “Historia e një martese” me Scarlett Johansson, që këtë vit u nominua në dy kategori.
SPEKTAKËL DHE EMOCIONE Gjatë ceremonisë së ndarjeve të çmimeve u mbajtën performanca të shumta muzikore: nga Randy Newman, që luajti në piano, te kthimi i Eminem që këndoi “Love yourself”, një nga hitet e tij më të suksesshme. Idina Menzel propozoi “Into the unknown”, këngën e filmit të animuar “Frozen 2”, ndërsa duartrokitje të gjata mori Elton John me kostumin ngjyrë vjollcë dhe pianon rozë. Cynthia Erivo ishte e vetmja aktore me ngjyrë, e cila kandidonte për “Oscar 2020”. Si përfaqësuese e adoleshenteve, në skenë u ngjit Billie Eilish, e cila pasi bëri histori në çmimet “Grammy” dhe kompozoi këngën e re të “No time to die” ( kapitulli i 25- të në sagën e James Bond) bëri një performancë të jashtëzakonshme të “Yesterday” me në sfond “In memoriam” për Doris Day dhe Kirk Douglas, si dhe italianët Piero Tosi dhe Franco Zeffirelli. Një kujtesë e ndërtuar me finesë për kontributin italian në kostelacionin e kinemasë botërore. / Vanityfair/