Maqedonia e Veriut ratifikon aderimin në NATO, shqiptarët vlerësojnë Zaev
Kryeparlamentari Talat Xhaferi ngriti zyrtarisht flamurin e NATO- s para Kuvendit
Në Kuvendin e Maqedonisë së Veriut u mbajt pasditen e djeshme seanca solemne për ratifikimin e protokollit për aderim të Maqedonisë së Veriut në NATO.
Fjalime mbajtën Presidenti, Stevo Pendarovski; Kryetari i Kuvendit, Talat Xhaferi; Kryeministri teknik, Oliver Spasovski; si dhe shumë deputetë. Të ftuar ishin Atilla Mesterhazi nga AP- NATO; Mirosllav Tugjman, deputet dhe shef i delegacionit kroat të AP- NATO; Vasilika Hysi, nënkryetare e Parlamentit shqiptar; Cveta Karajançeva, kryetare e Kuvendit bullgar; Genci Nimanbegu, kryetar i Parlamentit të Malit të Zi; ishpresidentë, ish- kryeministra, liderë të partive politike dhe diplomatë të huaj në Maqedoninë e Veriut. PËR HERË TË PARË
FLET AHMETI Kreu i BDI- së, Ali Ahmeti, për herë të parë iu drejtua deputetëve përmes foltores së Parlamentit. Ai vlerësoi qeverinë në të cilën partia e tij mori pjesë në këtë periudhë gati katërvjeçare, duke përmendur edhe meritat e partisë së tij në këtë proces. Fjalimi i Ali Ahmetit në foltore ngjalli reagime të shumta në rrjetet sociale, pasi ai nuk del zakonisht në foltore. DEKLARATA E THAÇIT
Kryetari i PDSH- së, Menduh Thaçi, në seancë uroi të gjithë qytetarët e për këtë hap historik të Republikës së Maqedonisë së Veriut. “Sigurisht se të gjithë kanë dhënë kontributin e vet, megjithatë kontributin kryesor e ka dhënë Kryeministri i mëhershëm, z. Zoran Zaev, i cili vazhdimisht dhe me guxim e shtynte procesin përpara. Dhe, këtu nuk duhet të ketë asnjë dilemë... Zaev, ju duhet të jeni i qetë me ndërgjegjen tuaj, për shkak se ky veprim nuk është vetëm veprim për marketing, por është veprim që definitivisht ndalon që shteti ynë si shtetet tjera në Ballkan ta paguajmë tranzicionin me gjak, me masakër dhe me konflikte të jashtëzakonshme. Mendoj që kemi shumë për të bërë. Apeloj te të gjithë bashkëqytetarët tanë maqedonas, të cilët janë të vetëdijshëm se ne shqiptarët, veçanërisht forcat relevante politike të shqiptarëve, asnjëherë nuk e kemi kundërshtuar identitetin dhe gjuhën maqedonase. Apeloj pas këtij akti të rëndësishëm historik të guxojnë bashkë të ecim përpara dhe ta ndërrojmë kuptimin për shqiptarët, që për mua është nënvlerësues. Ky nocion do të duhet të ndërrohet në aktet normative, populli shqiptar dhe gjuha shqipe”, tha Thaçi. NGRIHET FLAMURI
I NATO- S Gjatë seancës solemne kanë marrë fjalën përfaqësuesit e të gjitha partive, duke dhënë mbështetje për këtë moment historik për shtetin, përveç përfaqësuesit të VMRO- së, që nuk pajtohet me emërimin e shtetit sipas Marrëveshjes së Prespës, por që janë pro anëtarësimit në NATO. Por VMRO- DPMNE vendosi ta votojë protokollin e aderimit. Pas ratifikimit në Kuvend me 114 vota pro, Maqedonia e Veriut është një hap larg anëtarësimit të plotë në NATO, duke pritur vetëm Kuvendin e Spanjës për ta ratifikuar protokollin, që është një çështje ditësh. Tashmë edhe zyrtarisht është bërë ngritja e flamurit të NATO- s në oborrin e Kuvendit të RMV- së nga Talat Xhaferi, kryetar i Kuvendit të RMVsë, duke qenë të pranishëm edhe të ftuarit ndërkombëtarë. Maqedonia e Veriut bëhet anëtarja e 30- të e NATO- s.